Ames

Localización
42°52′N 8°39′O / 42.86, -8.65
Estado	España
Comunidade autónoma	Galicia
Provincia	Provincia da Coruña
Capital	Bertamiráns
Poboación
Poboación	32.812 (2024) (407,35 hab./km²)
Xentilicio	amesán
Xeografía
Parte de	Mancomunidade de Municipios da Área de Santiago de Compostela Mancomunidade da Comarca de Compostela Santiago
Superficie	80,55 km²
Altitude	63 m
Comparte fronteira con	Santiago de Compostela Negreira A Baña Brión Teo Val do Dubra
Organización política
• Alcalde	Blas García Piñeiro (2021–)
Eleccións municipais en Ames
Identificador descritivo
Código postal	15220, 15228, 15229, 15664, 15870 e 15895
Fuso horario	UTC+01:00
Código INE	15002
Sitio web	concellodeames.gal

Ames é un concello da provincia da Coruña, pertencente á comarca de Santiago. Segundo o IGE, o 1 de xaneiro de 2018 tiña 31.278 habitantes (15.015 homes e 16.263 mulleres) (en 2012 29.331 habitantes, 27.900 no 2010, 24.553 no 2007, 23.219 no 2006, 22.228 no 2005, 20.840 no 2004).O seu xentilicio (véxase no Galizionario) é «amesán».^[1]

O topónimo Ames, documentado na Idade Media como Oiames, podería ser un hidrónimo derivado da raíz indoeuropea weg-, referida a un lugar moi húmido, a través da forma con superlativo en acusativo plural *Ugiamos ou *Ugiamas.^[2][3]

Ten unha superficie de 80 km². Limita cos concellos de Santiago de Compostela, Teo, Brión, Negreira, A Baña e Val do Dubra. As poboacións principais son O Milladoiro e Bertamiráns.

O val da Amaía estivo moi vinculado desde a Baixa Idade Media ás principais e máis influentes liñaxes nobres. Situado no Camiño Xacobeo a Fisterra, destaca a ponte Maceira sobre o río Tambre en Agrón. No Milladoiro situábase o fito onde os peregrinos divisaban por primeira vez as torres da catedral compostelá. En 1812 constituíuse o concello de Biduído, adscrito ó partido xudicial de Santiago e á provincia única de Galicia. En 1821 o concello de Biduído integrouse na provincia da Coruña. En 1835 a capital pasou a ser a parroquia de Ames, cambiando o nome do concello. Destacan os Santuarios de Barouta e da Madalena e os pazos de Lens e Leboráns.

• 
  Rúa principal de Bertamiráns.
• 
  Rúa lateral de Bertamiráns.
• 
  Regato que atravesa a vila de Bertamiráns.
• 
  Praza de Bertamiráns.
• 
  Vista desde o cemiterio de Ames.

• Eleccións municipais en Ames

Para unha lista completa de todos os lugares do concello de Ames vexa: Lugares de Ames.

Wikimedia Commons ten máis contidos multimedia na categoría:  Ames

• Eleccións municipais en Ames

• Páxina web do concello de Ames

• Ames en OpenStreetMap.

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.