Ti sasao a Daya a Formosano ket buklen dagiti nadumaduma a sasao a Formosano a naiwarwaras iti ballasiw ti Taiwan, a mairaman ti Kavalan, Amis, ken ti awanen a pagsasao a Siraya. Daytoy a pannakaigrupo ket sinuportaran babaen da Robert Blust ken Paul Jen-kuei Li. Ikeddeng ni Li a ti lugar nga agsasao iti Siraya kadagiti akin-abagatan a laud a tanap ti Taiwan iti kapudnuan a pagtaengan dagiti agsasao iti Daya a Formosano, nga idiay ket naiwarasda iti akindaya nga igid ti baybay ti Taiwan ken nagin-inut nga immakar iti lugar ti moderno nga aldaw a Taipei (Li 2004).

• Kavalaniko
  • Ketagalan
  • Kavalan
• Ami
• Siraya

Inpresenta ni Li (2004) ti sumaganad a kriteria a kas ebidensia para iti maysa a pannakaigrupo ti Daya a Formosano.

1. Panagtitipon iti *C ken *t a kas /t/
2. Panagtitipon iti *D ken *Z a kas /r/ owenno /l/ in Basay, a kas /z/ iti Kavalan
3. Panagtitipon iti *q, *H, *ʔɦ ken ø
4. Panagtitipon iti *j, *n, ken *N a kas /n/
5. Pannakaipan iti *k iti /q/ ken /q/ > /h/ (Basay laeng) sakbay ti *a

Inbaga ni Li (2004) ti panagsina iti *k iti k ken q (sakbay ti *a) ket eksklusibo apagbingayan babaen ti Basay ken Kavalan. Kas met ti Kavalan ken Basay, ti pagsasao a Siraya ket tumipon kadagiti porma ti pasiente-agpakatengnga ken lokatibo-agpakatengnga, urayno ti Amis ket maigiddiat kadagiti porma nga agpakatengga. Ilista pay ni Li (2004) dagiti sangadosena nga inobasion ti leksiko a pagbibingayan babaen ti sasao a Daya a Formosano.

Ti Basay, Kavalan, ken Amis ket makibinningay pay ti oral a tradison a mangibaga ti sapasap a taudan manipud iti maysa nga isla a tinawtawagan iti “Sinasay” wenno “Sanasay,” a mabalin a daytoy ket ti Isla Berde ita nga aldaw.^[1]