Los Angeles Memorial Coliseum
Datos
Coordenadas	34°00′51″N 118°17′16″O / 34.014167, -118.287778
Localización	Os Ánxeles (Estados Unidos)
Alcume	The Grand Old Lady
Construción
Construción	21 de decembro de 1921
Inauguración	1 de maio de 1923
Renovación	1930, 1964, 1977-78, 1983, 1993, 1995, 2011, 2017-2019
Arquitecto	John e Donald Parkinson
Custo	$954.872,98
Estadio
Superficie	Céspede natural
Dimensións	115 × 75 yd / 105 × 69
Capacidade	77.500
Propietario	Estado de California Condado dos Ánxeles Cidade dos Ánxeles
Operadora	University of Southern California
Localía	USC Trojans (NCAA)
Web	https://www.lacoliseum.com/
Eventos
Xogos Olímpicos de 1932 Super Bowl I (1967) Super Bowl VII (1973) Xogos Olímpicos de 1984
[ editar datos en Wikidata ]

O Los Angeles Memorial Coliseum é un estadio deportivo situado na veciñanza de Exposition Park da cidade dos Ánxeles (California). O recinto serve como estadio local do equipo de fútbol americano da Universidade de Southern California (USC), os Trojans, e temporalmente dos Los Angeles Rams da National Football League (NFL). O estadio xa fora sede dos Rams entre 1946 e 1979, antes da marcha do equipo a Anaheim. O recinto conta capacidade para 93.607 espectadores, facéndoo o estadio que pode albergar un maior número de espectadores da Pac-12 Conference da NCAA.

O Memorial Coliseum, comezado a construír o 21 de decembro de 1921 e inaugurado o 1 de maio de 1923, foi o primeiro estadio en albergar dúas edicións dos Xogos Olímpicos, os de 1932 e 1984 celebrados nos Ánxeles, acollendo as cerimonias de apertura e clausura e as probas de atletismo.^[1] Ademais, é candidato a albergar os xogos de 2024.^[2] Tamén foi o escenario de dúas Super Bowls, a primeira da historia en 1967, gañada polos Green Bay Packers aos Kansas City Chiefs (35−10), e a sétima en 1973, onde gañaron os Miami Dolphins aos Washington Redskins (14−7).^[3]

O Coliseum tamén foi o fogar de varios equipos profesionais de fútbol americano e béisbol: Os Dodgers entre 1958 e 1961 (campións da MLB en 1959), os Rams entre 1946 e 1979 e a partir de 2016 (campións da NFL en 1951), os Chargers en 1960, e os Raiders entre 1982 e 1994 (campións da NFL en 1984). En 2016 os Rams volverán a xogar no Coliseum mentrés se constrúe o novo estadio da franquía. Dende 1923 até a actualidade no estadio xoga os seus encontros como local o equipo de fútbol americano da Universidade do Sur de California, o USC Trojans, once veces campión nacional da NCAA. Entre 1933 e 1981 tamén foi o fogar do máximo rival do USC Trojans, o UCLA Bruins, que dende 1982 xoga no Rose Bowl de Pasadena.

• Páxina web do LA Coliseum (en inglés)