Rafael Cuíña

Rafael Cuíña
	; (2015)
Biografía
Nacemento	13 de xaneiro de 1972 (53 anos); Lalín, España
Alcalde de Lalín
	2015 – 2019 ; ← Xosé Crespo Iglesias – Xosé Crespo Iglesias →
Actividade
Ocupación	político, empresario
Partido político	Compromiso por Galicia ; Partido Popular de Galicia ; Acción Galega
Familia
Pai	Xosé Cuíña

Rafael Luís Cuíña Aparicio, nado en Lalín o 13 de xaneiro de 1972, é un empresario, político e columnista galego, fillo do político Xosé Cuíña.

Traxectoria

Estudou Dereito.^[cando?]^{[Cómpre referencia]} Exmilitante do Partido Popular de Galicia, era unha das caras coñecidas da rama galeguista neste partido^[1]. Escribiu para diversas publicacións como Vieiros, Xornal de Galicia ou o xornal A Peneira, e acadou certa sona pola súa pertenza á asociación cívica na defensa da lingua galega, ProLingua. Así mesmo, forma parte do equipo permanente do Instituto Galego de Estudos Europeos e Autonómicos (IGEA) que dirixe o nacionalista Anxo Quintana^[2].

Membro da plataforma galeguista Acción Galega, o 14 de abril de 2012 anunciou a súa marcha do Partido Popular ^[3], integrándose en xuño dese mesmo ano na organización política Compromiso por Galicia. Nas filas desta formación concorreu como cabeza de lista por Pontevedra ás eleccións ao Parlamento de Galicia 2012, malia non acadar finalmente representación. Nas municipais de 2015 foi candidato de Compromiso por Galicia á alcaldía de Lalín e foi elixido alcalde grazas a un pacto de goberno co PSdeG e PAC. Nas municipais de 2019 perdeu a alcaldía ó recuperar o PPdeG a maioría absoluta. No 2023 volveu encabezala candidatura de Compromiso por Galicia mais non logrou recupera-la alcaldía dado que o PPdeG mantivo a maioría absoluta.