La maschera del demonio
La Barbara Steele in na figùra dal film
La mascra dal demòni 1960
Regìa: Mario Bava
Scritōr: Nikolaj Vasil'evič Gogol' Ennio De Concini • Mario Serandrei
Atōr: Barbara Steele • John Richardson Andrea Checchi • Clara Bindi • Arturo Dominici Enrico Olivieri • Ivo Garrani • Germana Dominici Tino Bianchi • Antonio Pierfederici • Renato Terra
Müsica: Les Baxter • Roberto Nicolosi
Léngua: Itagliàṅ
Dürä dal film: 87 minüt
Nasiōṅ: Itàglia

La maschera del demonio (La mascra dal demòni) 'l è 'n film ad scarésa girâ in biànc e négar dal 1960 ad Mario Bava, chè a la sò prim' òpra, trat da 'n racònt ad Nikolaj Vasil'evič Gogol'. Al gh'à abû un sucès clamuróś in di Stat Unî, in dua 'l è vgnû fóra c'n al tìtul ad “Black Sabbath”, e in Frància.

In alóra 'l à fat sù sènt-trentanóṿ migliòṅ ad franc in Itàglia.

In dal 1630 in Muldàvia la stria Asa Vajda (Barbara Steele) e 'l sò amànt Javuto (Arturo Dominici) i èṅ cundanâ a mòrt da 'l fradèl ad lē par striarìa. Prima 'd èsar bruśàda in sal rōg a gh vèṅ stablìda a śmartlàdi la mascra ad metàl dal demòni, cun dal punti ad dèntar, in sal grugn ma la dóna la fà in tèmp a maladìr lò, la sò famija e tuta la sò rasa a vgnir.

Dū sècui dòp, al dutōr Thomas Kruvajan (Andrea Checchi) e 'l sò jutànt, al dutōr Andre Gorobec (John Richardson), i èṅ in viàś da cal bandi là par tōr part a na cunferénsa ad mèdag quànd una dal rōdi dla caròsa la sa śbraga. In dal méntar ch'i spétan i dū i faṅ un gir e i védan la tómba dl’Asa. Kruvajan al próa a tiràr via la mascra da 'l cadàvar ma 'l s taja cun di vēdar e 'l sangṿ al sprica adòs a la fàcia dla stria ch'la n è minga dal tut marsìda.

In séguit Kruvajan e Gorobec i càtan lung la via la Katia (Barbara Steele), na bèla dóna ch'la pâr pròpria l’Asa, ch'la gh diś ad vìvar in un castèl insém a sò pàdar, al prìnsip Vajda (Ivo Garrani), e a sò fradèl Costantino (Enrico Olivieri). Tut gl'abitànt dal vilàǵ i crédan ch'al castèl al sia maladî.

• (EN) La schéda dal film in s'l IMDb
• (IT) La schéda dal film in sal FilmTV