Madame und ihre Nichte
Mia nipote... la vergine
La Fenech e Fred Williams in na figùra dal film
Mè anvōda... la vìrgin 1969
Regìa: Eberhard Schröder
Scritōr: Guy de Maupassant • Werner P. Zibaso
Atōr: Edwige Fenech • Ruth-Maria Kubitschek Fred Williams • Rainer Penkert • Karl Walter Diess Ini Assmann • Valerie Antelmann • Ann Hellstone
Müsica: Gert Wilden
Léngua: Tedésc
Dürä dal film: 87 minüt
Nasiōṅ: Germàgna

Mia nipote... la vergine (Mè anvōda... la vìrgin) l'è na cumèdia eròtica tedésca dal 1969 ad Eberhard Schröder ch'la tōś ispirasiòṅ da la nuvèla Yvette ad Guy de Maupassant.

A 'l èstar l'è cgnusùda c'n i tìtui ad “Madame and Her Niece” in di Stat Unî, “L'ingénue perverse” in Frància e “Yvette, Minha Casta Sobrinha” in Braśìl.

L’Olga De Winter (Ruth-Maria Kubitschek) l'è l'amànta dal cònt Georg von Hallstein, 'n óm in là c'n i an e pîṅ ad bèsi ch'al gh ślunga sèmpar quèl. Chi lò al gh'à prumìs ad purtàr-l' incóra a Acapûlc in vacànsa ma na sira, mént'r i èṅ a lèt, al s sènt mâł e a pâr che par lē la fèsta la sia finìda lè. L’Olga la pénsa listés ch'a s pòsa ciapàr na liquidasiòṅ dmandànd-la a 'l dutōr Fink (Karl Walter Diess), al mèdag ch'al tîṅ adrē a 'l vèć. Georg al gh'à 'n fiōl śōvan ch'al sà incòsa, Peter (Fred Williams), méntar lē la gh'à na fiōla ch'a s ciàma Yvette (Edwige Fenech) e ch'la fà la mudèla par na rivìsta malnéta anc se lē la la fà pasàr par sò anvōda par lugàr i sò an. A s capìs mia chi la sia la più rója dèntar dal dū.

P'r a n pèrdar la téta da ciuciàr, l’Olga la fà finta 'd avér-'g al magòṅ e acsè la s pòrta a lèt Peter ma chi lò 'l iva piutòst butâ 'l òć su l’Yvette.

• (EN) La schéda dal film in s'l IMDb
• (IT) La schéda dal film in sal FilmTV