Aled Gruffydd Jones
Ganwyd	1955
Dinasyddiaeth	Cymru
Alma mater	Prifysgol Efrog Prifysgol Warwick
Galwedigaeth	hanesydd, is-ganghellor, llyfrgellydd
Cyflogwr	Prifysgol Aberystwyth
Gwobr/au	Cymrawd Cymdeithas Ddysgedig Cymru, Cymrawd y Gymdeithas Hanesyddol Frenhinol, Cymrawd Gymdeithas Frenhinol Asiatig Prydain Fawr ac Iwerddon

Academydd yw Aled Gruffydd Jones (ganwyd 1955). Roedd yn Brif Weithredwr Llyfrgell Genedlaethol Cymru rhwng Chwefror 2013 ac Awst 2015^[1]

Bu Aled yn dal Cadair Hanes Cymru Syr John Williams ym Mhrifysgol Aberystwyth rhwng 1994 a 2013; cafodd ei benodi yng Ngorffennaf 2012 yn Bennaeth yr Adran Gymraeg. Bu hefyd yn Ddirprwy Is-Ganghellor Hŷn ers 2005 a bu'n gyfrifol am y ddarpariaeth Gymraeg ar draws y brifysgol.^[2]

Addysgwyd ef yn Ysgol Uwchradd Harlech ac yna ym Mhrifysgol Efrog, ble y cyfarfu â'r awdur a'r gymdeithasegydd gwleidyddol Yasmin Ali (g.1957). Mae ganddo ddoethuriaeth ym Mhrifysgol Warwick ers 1982.

Mae wedi byw a gweithio yn Aberystwyth ers 1979 pan gafodd ei benodi gan yr Athro Rees Davies yn 1979^[3] i'r Adran Hanes Fodern. Yn 1994 unwyd yr Adran Hanes gydag Adran Hanes Cymru ac fe'i gwnaed yn bennaeth ar yr adran newydd.

Roedd yn un o gyfarwyddwyr Coleg Cymraeg Cenedlaethol rhwng 2011 a 2013.^[4]