Sahrawis
'n Sahrawiese man met sy kameel in Tindouf, Algerië, tans die regeringsetel van die Arabiese Demokratiese Republiek Sahara
Totale bevolking:	570 866[1]–632 800[2]
Belangrike bevolkings  in:	Wes-Sahara ~160 000[3]–246 000[4]  Algerië 210 000[5][6][7]  Marokko 90 000[8]–160 000[9]  Mauritanië 26 000[10][11][12]  Frankryk 15 000[13]  Spanje 3 000[14]–12 000[15]
Taal:	Arabies, Berbertale, Spaans (lingua franca), Frans (lingua franca)
Geloofsoortuiging:	Soennitiese Islam, Soefisme
Verwante etniese groepe:	Arabiere, Berbers, Bedoeïene[16]

Die Sahrawis (Arabies: صحراويون, ṣaḥrāwīyūn, letterlik: "bewoners van die Sahara" of "woestynbewoners"; Berbers: ⵉⵙⴻⵃⵔⴰⵡⵉⵢⴻⵏ, Iseḥrawiyen; Frans: Sahraoui; Spaans: Saharaui) is 'n Arabiese etniese groep inheems aan die westelike gedeeltes van die Sahara, insluitende Wes-Sahara (opgeëis deur die Polisario en hoofsaaklik onder die gesag van Marokko), dele van Suid-Marokko, Noord-Mauritanië en die uiterste suidweste van Algerië.

Soos by die meeste groepe van die Sahara is die Sahrawis-kultuur gemeng. Dit toon hoofsaaklik Arabies-Berberse eienskappe, soos die bevoorregte posisie van vroue (Matriargie),^[17] sowel as eienskappe wat gemeen is aan etniese groepe van die Sahel. Sahrawis bestaan uit baie stamme en is hoofsaaklik sprekers van die Hassanija-dialek van Arabies en sommige van hulle praat nog steeds Berbertale in beide Marokko se betwiste en nie-betwiste gebiede.^[18]

• Wikimedia Commons het meer media in die kategorie Sahrawis.