|
Bra
Volgrootte bra
Laehalsbra
Balkonbra
 'n Bra, kortweg vir brasserie (ook in Afrikaans bekend as 'n buustelyfie), is 'n vormpas onderlyfband ontwerp om die draer se borste te ondersteun of te bedek. Swemdrag, hemde, en ruglose rokke kan ook ontwerp word met ingeboude borsondersteuning. Ontwerp en produksieDie meeste bra's bestaan uit 'n band om die borskas onder die borste, twee bekers waarin die borste pas en twee skouerbandjies.[1] Bra's is komplekse kledingstukke wat van baie dele vervaardig word. 'n Tipiese bra bestaan uit twintig tot vyftig meestal klein dele, dikwels van verskillende materiale gemaak. Boonop moet die struktuur en die nate baie robuus wees en die bra, wat direk op die vel gedra word, moet gemaklik voel.[2][3][4] Onderdele en materialeOorspronklik is linne, katoen en lapdoek gebruik vir die vervaardiging van bras, met verborge stikwerk aanmekaar toegewerk. Deesdae word bras vervaardig uit dosyne stowwe, waaronder Tricot, elastaan, lateks, mikrovesel, satyn, Jacquard, skuim, gaas en kant. Vulsels of pads van skuim, silikoon of lugsakkies word soms in die bekers geplaas. Die meerderheid van die bra's is ook toegerus met vlegsels of ribbes op die ondersteuningstukke. Die halfronde hakies is ingebed in die stof langs die onderkant van die bekers. Produsente gebruik metaal, plastiek of hars vir die ribbes met draadjies. Die meeste bra's het 'n agtersluiting met hakies en ogies, hoewel daar ook modelle met voorste sluiting is. Sommige sportbra's en bralette het geen sluiting nie, maar is elasties genoeg om oor die kop en borste getrek te word. BragroottesDie meeste bra's kom in 36 groottes; die standaarde en metodes van meting wissel wyd. Tot 85 persent van vroue dra die verkeerde grootte bra.[5][6] In die meeste lande kom bra's in 'n band- en 'n bekergrootte, soos 34C; 34 is die borskas, gemeet rondom die bolyf direk onder die borste, en C is die grootte van die beker, wat verwys na die volume van die borste. Die meeste bra's word in 36 groottes aangebied; die Triumph "Doreen" kom in 67 groottes, tot 46J.[5] Die bekergrootte wissel na gelang van die bandgrootte. 'n D-beker op 'n 38 band is groter in volume as 'n D-beker op 'n 34 band, aangesien die volume van 'n vrou se borste toeneem namate haar borsbandafmeting toeneem.[7] In lande wat die Europese kledinggrootte EN 13402 aanvaar het, word die meting afgerond tot die naaste veelvoud van 5 sentimeter (2 duim).[8][9]
Verwysings
Information related to Bra |
Portal di Ensiklopedia Dunia
