Huyana, officieel de Coöperatieve Republiek Huyana, is 'n land in het noôrden van Zuud-Amerika en grenst aan Surinaome, Brezilië en Venezuela. Guyana ei 'n grensprobleêm mie Suriname en Venezuela. D'n 'oôdstad van Huyana is Georgetown. In Huyana weunen 740.000 mensen. Het land is in 't verleên nog een Nederlanse kolonie gewist, 'ierbie waere ok Zeêuwen betrokke. Staet'oôd is Donald Ramotar.

Huyana is in onderdeel van 'n groôter gebied dat Huyana (of Guyana) wierre genoemd - nae 't Indiaens vò "land van vele wateren".

De Huyanezen bestaen uut meêrdere volksgroepen. De twee meêst dominante etnische groepen bin d'n afstammelingen van Afrikaanse slaven (30,2 %) en de Hindoestanen, dat bin afstammelingen van contractarbeiders uut Brits-Indië (43,5 %). Vadder leêven d'r ok een aantal Indianen (9,1 %). De rest van de bevolking bestaet uut mensen van gemengde afkomst.

De belangriekste economische activiteit in Huyana is d'n landbouw, waer in 't groôtste deel van d'n beroepsbevolking waerkt. De belangrijkste exportproducten bin cacao en bovenal, de suiker.

Huyana speelt internationale cricket als een deêl van 't West-Indisch cricketelftal, en het Huyaans cricketelftal speelt eerste klasse cricket tegen andere landen van het Caribisch hebied. In maart en april 2007 was Guyana co-gastheer van de Wereldkampioenschap cricket 2007.

• Bureau van de President van Huyana
• Officiële website van het toerisme van Huyana