Anatole Marchal

Anatole Marchal (riwalnijhåve Natole Marixhå) a skepyî li 26 di decimbe 1901. Il a morou e 1966.

C' esteut on scrijheu d' prôze e walon, sikepyî a Durnale.

Anatole Marchal a stî relî po l' grosse antolodjeye Piron.

Scrijhaedjes

Il a purade sicrît des fåves do vî vî tins, ramexhnêyes dins deus lives: «Å tins des nûtons» (1937) eyet «Li dierinne shijhe» (1941).

Et pu co «Padrî l' muroe», totès rapoitroûles po fé sogne (motoit li prumî roman di sbarance e walon), mins ki n' ont måy sitî eplaideyes.

Tant k' a «Durnale, mi bea viyaedje» (1941) eyet «Sondjreyes dins les schavêyes» (1951), c' est purade del prôze powetike u del powezeye sins pîtaedje.

Les sudjets da Anatole Marchal vinèt sovint des floricontes et des doûcès creyances del Walonreye, copurade do payis d' Dinant et d' l' Årdene. Et aprume ki s' pasnut sol Bok.

On foirt ritche motlî.

On stîle foirt corant, come on raconte les fåves al shijhe.

Li scrijheu ni shût nén todi l' sistinme Feller :

«des», «les» sont scrîts sins accint (môde ki serè rprinjhe e sistinme Feller.
wåde des halcrosses H come e francès : «hôle» («ôle»), Huguette (Uguete).
wåde li peur prononçaedje des cossounes å coron «aupe» (åbe)
come les ôtes sicrijheus do payis d' Nameur divant l' eplaidaedje di C1, i n' schåye nén todi les betchfessîs å et ô: «baule» (bôle), «trau» (trô).

Li Wiccionaire si rsieve di sacwantès fråzes da Anatole Marchal po-z enimådjî des mots k' i gn a.
Vos trouvroz des racsegnes so les ouves da Anatole Marchal, u les ouves zeles-minmes, so Wikisourd e walon.
Pådje des scrijhaedjes då Natole Marchal (so l' Aberteke)
Li dérène chîje, da Anatole Marchal Amon Lorint