„UzBAT A.O“

Turi	Aksiyadorlik jamiyati
Ishga tushgan sanasi	1994-yil
Joylashuvi	Oʻzbekiston: Тoshkent, Yunusobod tumani, Minor tor koʻchasi, 77-uy
Rahbariyat	Gadaybayev Temur
Sanoat	Tamaki va nikotin maxsulotlarini ishlab chiqarish
Xodimlar soni	▲ 55 000
Vebsayti	bat.uz
Til(lar)i	oʻzbek, rus, ingliz

„UzBAT“ – (ruscha: „УЗБАТ А. О.“, inglizcha: „UZBAT A. O“) – millionlab oʻzbek isteʼmolchilariga tamaki va nikotinli mahsulotlarni taqdim etuvchi multikategoriyali Oʻzbekiston-Britaniya qoʻshma korxonasi^[1]. BAT kompaniyasi Oʻzbekiston bozoriga 1994-yilda kirib kelgan va 1000 dan ortiq xodimga ish oʻrinlari yaratib bergan. Oʻzbekistonga BAT 400 million AQSh dollaridan ortiq investitsiyalari kiritgan.

„BAT Uzbekistan“ portfeliga Kent, Pall Mall, Rothmans, Lucky Strike, Dunhill kabi anʼanaviy nikotin mahsulotlarining mashhur xalqaro brendlari, shuningdek, yangi avlod mahsulotlari – glo qizdirilgan tamaki tizimi, Neo qizdirilgan tamaki stiklari, Vuse vapelari va VELO nikotinli snyus kiradi.

2023-yilning 15-dekabriga koʻra „UzBAT“ aksiyadorlik jamiyatining ustav fondi 75,018 mlrd soʻmni tashkil etadi^[2]

1994-yil 20-iyunda yopiq aksiyadorlik jamiyati shaklidagi „UZBAT A. O.“ QK O‘zbekiston Respublikasi Vazirlar Mahkamasining 309-sonli qarori bilan tashkil etilgan^[3].

1998-yil 28-aprel kuni UZTABAKning aksiyadorlari ushbu korxonaning nomini „UZBAT A. O“ deb oʻzgartirishgan.

2005-yil 21-may kuni „UZBAT A. O“ QK Aksiyadorlarning yillik umumiy yigʻilishida „UZBAT A. O“ QK yopiq aksiyadorlik jamiyatidan „UZBAT A. O“ QK ochiq aksiyadorlik jamiyatiga aylantirilgan.

1997-yil Samarqand sigaret zavodi (SSF) ishga tushirildi.

1998-yil Urgut fermentatsiya zavodini (UFZ) modernizatsiya qilingan.

2009-yil BAT Uzbekistan Ajoyib biznes yutuqlari va British American Tobacco kompaniyalar guruhi strategiyasini amalga oshirishga qoʻshgan hissasi uchun „Oltin Barg“ mukofoti bilan taqdirlangan. Shuningdek, BAT Uzbekistanning BAT guruhida dunyodagi eng yaxshi kompaniya sifatida tan olinishigan.

2019-yil BAT Uzbekistan kompaniyasi Yevropaning Top Employer instituti tomonidan toʻrtinchi marotaba „Top Employer“ („Eng yaxshi ish beruvchi“) sertifikati bilan taqdirlangan^[4].

2020-yil Kompaniyaning „British American Tobacco Uzbekistan“ brendi „BAT Uzbekistan“ sifatida yangilandi.

• AJ „UZBAT A. O.“ QK Samarqand Boʻlimi – „Samarqand Sigaret Fabrikasi“;
• AJ „UZBAT A. O.“ QK Urgutdagi Boʻlimi.