South Park
Janri	Komediya
Muallif(lar)	Trey Parker Matt Stone
Ovoz berganlar	Trey Parker Matt Stone Isaac Hayes (1997—2006) Mary Kay Bergman (1997—1999) Eliza Schneider (2000—2003) Mona Marshall April Stewart John Hansen Jennifer Howell Adrien Beard
Qismlar boshidagi musiqa	„South Park Theme“ Primus/Colonel Les Claypool’s Fearless Flying Frog Brigade
Mamlakat	AQSh
Mavsumlar soni	26
Qismlar soni	328
Ishlab chiqarish
Ijrochi prodyuser(lar)	Trey Parker Matt Stone
Qism davomiyligi	22 daqiqa[1]
Efirga uzatilishi
Telekanal	Comedy Central
Tasvir formati	Original broadcastlar: 480i (4:3 SDTV) (1997–2008) 1080i (16:9 HDTV) (2009–bugun) Re-rendered epizodlar: 1080i (16:9 HDTV) (1–12-fasl)
Ovoz formati	Dolby Surround 2.0 (1-11-fasl) Dolby Digital 5.1 (12-fasl–bugun)
Translyatsiya davri	13-avgust 1997 — bugun
Tashqi havolalar
Rasmiy sayti

South Park (Janubiy Park; talaffuzi: /saʊθ pɑːrk/) Trey Parker va Matt Stone tomonidan yaratilgan Amerika multserialidir. Comedy Central kanalida 1997-yildan beri efirga uzatiladi. Serial mashhur shaxslar va voqealarni mutoyiba va satira yordamida parodiya qiladi.

Multserial asosida 1999-yilda South Park: Bigger, Longer & Uncut nomli toʻliq metrajli animatsion film ham ishlangan.

Serialdagi voqealar Colorado shtatining South Park shaharchasida boʻlib oʻtadi. Bosh qahramonlar oʻlaroq toʻrt nafar maktab bolasi — Stan, Kyle, Eric va Kennylar qatnashadi. Multfilm ijtimoiy, diniy, siyosiy muammolarni hajv bilan yoritadi, illatlarni fosh qiladi (masalan, NAMBLA haqidagi qismda bachabozlik qattiq tanqid ostiga olingan). Serialda tez-tez soʻkinish eshitilishi va jinsiy aloqaga oid mavzular eslatilishi tufayli 18 yoshdan kichik boʻlganlarga tavsiya etilmaydi.

Multfilm ikki oʻlchamli sodda animatsiyadan iborat. Avval boshda Parker va Stone rangli qogʻozlarni qirqish bilan serialni ishlab chiqarishgan boʻlishsa, hozirda kompyuter grafikasi yordamidan foydalanishadi.

• Stan Marsh (Trey Parker ovoz bergan^[2]) — „oʻrtacha amerikalik bola“. Kylening yaqin doʻsti.
• Kyle Broflovski (Matt Stone ovoz bergan) — aqlli, mantiqli bola. Yahudiy boʻlgani uchun Cartman bilan munosabatlari yomon.
• Eric Cartman (Trey Parker ovoz bergan) — xudbin, irqchi, agressiv bola. Toʻladan kelgan, lekin „semiz“ ekanligini tan olmaydi.
• Kenny McCormick (Matt Stone ovoz bergan) — soʻkingʻich bola. Olovrang anoragi ogʻzini yopib turgani uchun nima deyotgani aniq eshitilmaydi. Qashshoq oila farzandi. Serialning koʻp qismlarida oʻladi (keyingi qismlarda esa uni yana uchratish mumkin).
• Chef (Isaac Hayes ovoz bergan) — South Park maktabi oshpazi. Ayollarga oʻch.
• Herbert Garrison (Trey Parker ovoz bergan) — maktab oʻqituvchisi. Jinsiy moyilligi xilma-xil (multserial davomida u ham geteroseksual, ham gomoseksual munosabatlarda boʻlgan) va shu yuzdan ikki marta jins almashtirish amaliyotidan oʻtgan.
• Janob Mackey (Trey Parker ovoz bergan) — maktabb ruhshunosi. Bolalarga alkogol va giyohvand zarari haqida uqtirgan boʻlsa-da, uning oʻzi araqxoʻr va nashaxoʻr boʻlib ketadi. Biroq koʻp oʻtmay bu odatlarini tashlaydi.

• South Park Studios