Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Sa Dii de su babbu est una festa dedicada a is babbus chi esistit in paisus medas de totu su mundu. Sa stòria de sa festa, sa dii de s'annu innui si celebrat e is traditzionis ligadas càmbiant meda segundu su paisu. Me is paisus de traditzioni catòlica est festada su 19 de martzu, dii se Santu Giusepi, su babbu adotivu de Gesùs.

Is primus a festai a San Giusepi funt stètius is Mònacus Benedetinus in s'annu 1030, sighius de is Servus de Maria in su 1324 e is Francescanus in su 1399^[1]. Sa spraxidura de sa festa est dèpida a s'interessu de is Pabas e pruschetotu a Gregòriu XVI chi dd'at ofitzializada in totu sa Crèsia in su 1621^[2][3].

In custus paisus, sa dii de sa festa is fillus faint calincunu arregaleddu a is babbus po ddis amostai sa stima insoru^[4][5].

Me is Stadus Unius, po sa traditzioni, sa primu personi a pediri una dii po festai a is babbus est stètia una picioca de 26 annus, Sonora Smart Dood, in su 1908^[6][5][4]. S'idea ddi fiat bènnia ascurtendi unu sermoni po sa festa de sa mama e at organizau sa primu festa de su babbu su 19 làmpadas 1910 in Spokane^[1], Washington. Sa festa est bessida ofitziali in 1966, cun data in su de tres domìnigus de làmpadas, gràtzias a s'interessu de su presidenti Lyndon Johnson^[2][3].

1. ↑ ^{1.0 1.1} (IT) La storia della festa del papà, in VanityFair.it, 19 martzu 2017. URL consultadu su 19 martzu 2021 (archiviadu dae s'url originale su 27 freàrgiu 2021).
2. ↑ ^{2.0 2.1} (IT) Festa del papà: storia in Italia e curiosità dal mondo, in QuotidianoNet, 1616142547947. URL consultadu su 19 martzu 2021.
3. ↑ ^{3.0 3.1} (IT) Il Giorno, Festa del papà: perché si festeggia il 19 marzo (ma non in tutto il mondo)?, in Il Giorno, 1616140692434. URL consultadu su 19 martzu 2021.
4. ↑ ^{4.0 4.1} (IT) Storia della festa del papà: origini e significato della festa di San Giuseppe, in Controcampus, 17 martzu 2017. URL consultadu su 19 martzu 2021.
5. ↑ ^{5.0 5.1} (IT) Festa del Papà: storia e curiosità sulla tradizione, in Notizie.it, 19 martzu 2018. URL consultadu su 19 martzu 2021 (archiviadu dae s'url originale su 22 maju 2022).
6. ↑ (EN) First Father's Day Service, in www.wvculture.org. URL consultadu su 19 martzu 2021 (archiviadu dae s'url originale su 16 austu 2010).