La Cin-a a l'é stàita unificà da sò prim imperator, Qin Shi Huangdi, dla dinastìa Qin, ch'a l'ha regnà dal 221 aGC al 207 aGC.
La Repùblica popolar cinèisa a l'é stàita fondà dël 1949 da Mao Zedong.
Conomìa
L'anflassion an Cin-a a l'é al 7,1% (gené 2007).
Ël rédit medi a l'é men che 1.000 dòlar a l'ann për përson-a.
Doi ters dël prodot anterior ëspòrch cinèis a son concentrà ant le region dle boche dël Fium ëd le Perle (region ëd Cantòn) e dël Yangzi (region ëd Shangai).
Dël 2012 l'1,98% dël prodot anterior ëspòrch a l'é stàit dedicà a l'arserca e al dësvlup.
La moneda ofissial a l'é ël yuan, ciamà ëdcò renminbi.
Organisassion polìtica
Xi Jinping
La Cin-a (nòm ofissial: Zhōnghuá Rénmín Gònghéguó = Repùblica Popolar dla Cin-a) a l'é na repùblica socialista.
Ël president a l'é Xi Jinping (dal 2013).
Ël prim ministr a l'é Li Keqiang (da mars 2013).
