|
United Telecommunication ServicesUnited Telecommunication Services
United Telecommunication Services ta e kompania nashonal di telekomunikashon di Kòrsou. UTS ta duna servisio na klientenan den Karibe, Sur Amérika i Oropa. UTS tin 90 aña di eksperensia riba e tereno di telekomunikashon. Su servisionan ta entre otro: servisio di internèt, televishon digital i telefòn. Historia1892 – 1951E era di telekomunikashon a kuminsá na Kòrsou na aña 1892 ku e dunamentu di konseshon pa instalá e promé liña di telefòn na e venezolano, Abraham Ugueto.[1] Na 1927 outoridatnan kolonial di e tempu ei na Antias Hulandes a tuma over i nan a establesé ‘Landsradio- en Telefoondienst’. Esaki a resultá den konstrukshon di un nètwèrk di telekomunikashon kompletamente nobo riba e teritorio aki. 1952 – 1978Na aña 1952 ‘Telefoondienst’ a wòrdu separá for di ‘Landsradiodienst’ i kada isla a haña nan mes servisio di telefòn. ‘Landsradiodienst a bira e ora ei ‘Landsradio en Telegraafdienst’. E kompania nobo ku a wòrdu lantá a bai konsentrá riba e ret di komunikashon internashonal dor di introdusí e teknologia VHF, trese konekshonnan ku Venezuela i ponementu di un kabel supmarino entre Kòrsou, Sint Maarten i Sint Thomas. Konsekuentemente, Antia a kuminsá forma parti di e ret internashonal di komunikashon. 1979 – 19951979 ta e aña ku ‘Telefoondienst’ a bira un kompania anónimo di gobièrnu, ku a karga e nòmber SETEL N.V. For di e tempu ei e kompania su servisio di telefon tabata wòrdu inová konstantemente i e klientela tabata krese konsiderablemente. 1996 – presenteNa aña 1996 ‘Landsradio en Telegraafdienst’ a bira Antelecom N.V. i na 1999 huntu ku SETEL N.V., a lanta e kompania mama United Telecommunication Services N.V. KompaniananUTS ta e kompania mama di diferente kompania di telekomunikashon. Esakinan ta entre otro: T.V. Distribution Systems N.V.TDS ta un kompania ku ta ofresé televishon di kabel(wireless) na Kòrsou i Boneiru for di aña 1985. TeleCuraçaoTeleCuraçao ta e planta di televishon kurasoleño na Berg Ararat ku ta den aire riba kanal 8. Su transmision tambe ta yega Boneiru via stashon relay. TeleleaseTeleLease N.V. ta un otro kompania yu di UTS ku ta duna servisionan di lis riba teritorio kurasoleño. New Technologies Group N.V.New Technologies Group N.V. kual ta operá bou di e nòmber CaribServe.NET ta ofresé servisionan di Internèt na Sint Maarten. UTS i telefon selularUTS ta duna tambe servisio di telefòn selular na ocho pais rònt mundu. E paisnan aki ta Kòrsou, Boneiru, Sint Maarten, Sint Eustatius, Saba, Sint Kitts i Nevis, Hulanda iSürnam. UTS i gobièrnuUTS ta un kompania anónimo di gobièrnu di Kòrsou, kual tur e akshonnan ta den man di gobièrnu. Esaki ta nifiká ku gobièrnu di Kòrsou òf mihó bisa e pueblo di Kòrsou ta doño apsoluto di UTS i tur e kompanianan ku e ta operá. UTS ta kontribuí den kaha di gobièrnu dor di paga dividendo na gobièrnu, komo ku esaki ta e doño di e kompania. Un kompania manera UTS asina no por bai fayit fásil, pasobra na momentu di problemanan finansiero e por risibí yudansa di gobièrnu. UTS ta wòrdu dirigí dor di un direktor i ta kompletamente liber pa tuma su mes desishonnan, pero e ta kai kompletamente bou di responsabilidat di e minister di Tráfiko, Transporte i Planifikashon Teritorial di pais Kòrsou. Gobièrnu ta kontrolá UTS via di su komisarionan den e kompania. Te ainda gobièrnu ta pèrmití pa UTS tin monopolio riba telefòn figo; esaki ta pa garantisá servisio di komunikashon pa henter e poblashon. Link eksterno
Information related to United Telecommunication Services |
Portal di Ensiklopedia Dunia
