Mangystau
Маңғыстау
oblast
Symbol
Land	Kasakhstan
Hovudstad	Aktau
Areal	165 642 km²
Folketal	596 706
Tidssone	UTC +5
Postnummer	130000
Mangystau oblast 43°52′00″N 52°00′00″E / 43.866666666667°N 52°E / 43.866666666667; 52
Kart som viser Mangystau oblast.
Wikimedia Commons: Mangystau Region

Mangystau (kasakhisk Маңғыстау облысы) er eit oblast i Kasakhstan. Hovudstaden er Aktau.

Oblastet ligg sørvest i landet og inkluderer mellom anna Mangysjlakhalvøya. Det meste av den kasakhstanske kysten av Kaspihavet ligg her. I tillegg grensar oblastet til landa Turkmenistan og Usbekistan. Av grenseoblast finn ein Aktobe oblast og Atyrau oblast. Det har eit areal på 165 600 km². I tida under Sovjetunionen vart det oppdaga petroleumsførekomstar i området og mykje av området vart industrialisert.

Mangystau har mange forskjellige landskap og ørkenland som Den kaspiske senkinga, Ustiurtplatået, Mangysjlak, Kendirili-Kajasan og ørkenar. Det høgaste punktet er fjellet Otpan på 556 meter over havet, medan det lågaste er Karagije, som ligg heile 132 meter under havnivå.

Klimaet nord i Mangystau er kaldt om vinteren, særleg på Ustiurtplatået, som hovudsakleg ligg over havnivå. Klimaet er generelt kontinentalt med kalde vintrar og milde somrar. Middeltemperaturen i januar er -3 °C og i juli 26 °C. Det kjem særs lite nedbør i løpet av året, normalt rundt 150 mm.

Commons har multimedium som gjeld: Mangystau oblast

• Offisiell nettstad