De Artikel „Kanton Dorum“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

De Kanton Dorum weer as Kanton en Verwaltungsrebeed in de Franzosentied (1810-1813). De Seet weer Dorum.

Dat Rebeed weer vörher Deel von dat Hertogdom Bremen (Kurförstendom Hannover) un hett dor to dat Amt Beers un dat Vaagdiegericht Land Wusten höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Dorum een von de Kantons in’n Distrikt Bremervöör von dat Departement von de Elv- un Wersermünn. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Dorum weer nu een von de söss Kantons, ut de de Distrikt Bremerleh in dat Departement von de Wersermünnen tohoopsett weer.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.

De Kanton harr 7766 Inwahners^[1] un weer indeelt in veer Mairien:

• Mairie Dorum
• Mairie Niewohl
• Mairie Spiek
• Mairie Wremen

1. ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104

Kantons in’n Distrikt Bremervöör (Königriek Westfalen, 1810–1811)

Beers | Beverst | Blomendal | Bremerleh | Bremervöör | Dorum | Hagen | Hanst | Hu’e | Leendaal | Oosterholt | Otterbarg | Stotel

 

Kantons in’n Distrikt Bremerleh (Kaiserriek Frankriek, 1811–1813)

Beverst | Bremerleh | Dorum | Hagen | Oosterholt | Vesack