Parole 'e :Vincenzo Russo, Napule, 1876 - Napule, 11 'e giùgno, 1904.

Museca 'e :Eduardo Di Capua

Data 'e nascita : 1901

Edizzione : Casa Editrice Ferdinando Bideri, Napule

1.

Luna lù! tu che guarde e me siente,

E suspire e ’sti llacreme amare;

Quanta sere ccà miezo a ’stu mare

Cu ’na nenna m’è ntiso ’e canta...

Ritornello:

Dint’a ’sta varchetella,

I' sto cantanno ’a n’ora.

Chi sa si dorme ancora;

Chi sa si penza a mme.

2.

Voca!  voca! me dice ’na voce,

Marenà ’sta canzona a chi cante?

’Na figliola suspira ogne tante,

Sti suspire venessene a tte?...

Ritornello:

Dint’a ’sta varchetella,

I' sto cantanno ’a n’ora.

Chi sa si dorme ancora;

Chi sa si penza a mme.

3.

Si nun sbaglio, addereto a’ fenesta

Veco n’ombra, s’affaccia e me chiamma,

Con’argiente ’sta varca vucanno

Cumm’o viento vulesse arrivà.

Ritornello:

Dint’a ’sta varchetella,

I' sto cantanno ’a n’ora.

Chi sa si dorme ancora;

Chi sa si penza a mme.

Finale:

Dint’a ’sta varchetella,

Cantava ’a cchiù de n’ora

Rusina è sveglia ancora;

Rusina penza a mme.

Chist'articulo è sulo na bozza (stub). Si ce puó ddà na mano, p’’o fà addeventà nu poco meglio, spriemme ccà. Pe' ssapé comm’’e 'a fà, guarda ncopp’’e ccunvenziune 'e Wikipedia. Pe' ssapé quale so' tutte quant’’e stub, vaje a vedé 'a categoria stub.