Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Ol Magis l’è la fondasiù di misiunàre de la pruìnsa d’Italia de la Compagnéa de Gezü e ‘l nòm Magis l’istà per Müimènt e Asiù di Gezüìcc Italià per ol Svilùpo.

Ol Magis, che l’ gh’à dò sédi, öna a Galaràt in pruìnsa de Varés e öna a Roma, l’è nasìt in del 1988 cóme asociassiù, in del 1991 l’è stài recognusìt cóme Organizasiù Mia Goernatìa, ONG, dal Ministér di Èsteri de la Repüblica Italiàna e ‘n del 2008 l’è dientàt fondasiù.

I misiunàre gezüìcc i laùra ‘n 4 continèncc: in Afrìga sùra de töt in Ciad e 'n Burkina Faso, in Süd Amèrica sùra de töt in Brazìl che l’è tèra de misiù per i Gezüìcc dal tép di Ridusiù, in Asia che l’è stàcia tèra de misù per i Gezüìcc zamò dal tép del San Francèsch Savério e in Eüròpa sùra de töt in Albania.

Segónt ol Rapòrt Anüàl 2010 in del 2009 ol Magis l’à portàt inàcc 163 progècc in 35 paìs diferèncc, ol sò bilàncc l’è stacc de 5 miliù de eüro e de chès-ce piö del 90% l’è ‘ndàcc in di progècc, dezà che ‘l laurà de tànce volontàre mia religiùs l’ permèt de tègn pròpe bas ol cóst de l’organisasiù.

Tra i progècc portàcc inàcc da i misiunàre Gezüìcc gh’è i adosiù a distànsa, fà sö dìghe, ospedài e scöle, scaà di pós per l'aqua de bif, ecc. Sèmper tra i progècc gh'è ach i “cüzìne chi và col sul” che i permèt a i dòne del Ciad de cüzinà del dé gràsie al sul che l’iscólda öna pignàta metìda in del föch d'öna paràbola che la ghe böta adòss a la pignàta töt ol sul che la ciàpa. Grasie a chèste cüzìne i dòne i gh’à piö de girà di dé ‘ntrécc in del dezèrt a sircà la lègna e l’è nasìt ü laboratòre per fà sö e giöstà chèste cüzìne che l’ ghe dà de laurà a la zét del pòst.

Chès-ce e tace óter progècc i è finansiàc co i sólcc che l'Magis l' ghe rìa a tirà sö co la carità di priàcc e col 5 per méla, ma ach col regòi i telefunì ècc che la zét la dóvra piö e la böta vià. Sia che i vàghe, sia chi sìes rócc, ol Magis l' ghe rìa a tiràn fò ergóta de bù, cioè finasiamèncc de dóvrà per i misiù.

www.magisitalia.org [1] Arqiviad qé: [2]