Gerald Allen Moore
Portrete de Moore de su necrolog in Cosmoglotta.
Land	Anglia
Nascentie	ne savet
Morte	5 April 1935 in London
Ocupation	Bankero, director, occidentaliste

Gerald Allen Moore, frequentmen Gerald A. Moore, esset un director de bank e Occidentalist ex Westminster, London. Il esset membre del Britannic Occidental Association, e subtenet li gazette Cosmoglotta financialmen por mult annus^[1], bord a bord altri Occidental associationes, por exemple SAPO, por quel il comprat un nov printator (un mimeograf (en)).^[2]

Ante que Moore aprendet Occidental, il havet aprendet altri lingue auxiliari internationales: Volapük, Esperanto, Idiom Neutral, e finalmen Ido.^[1] Tra su vive, il laborat quam bankero^[3], director de bank^[1], e finalmen, director de un firm.^[4] On save que il esset Occidentalist desde fórsan, quande il esset mentionat por un unesim vez in Cosmoglotta. In 1927, il laborat con Eric Biddle por fundar un association de Occidental in li Reyatu Unit.^[5] Il esset plu tard amico del Occidentalist H. D. A. Akermann, qui scrit un necrolog in Cosmoglotta per le.^[6]

It es ínconosset, in quel annu Moore nascet, ma il morit li 5. April 1935, par un dosa excessiv de dial (alprazolam, o commercialmen, xanax) - il hat prendet ti medicament desde 1932. Il ha usat le por un maladie de ínsomnie, ma cadet in coma; il morit pos quin dies de ínconscientie. Li 1. Aprile, li medico Victor Norman Fenton esset clamat por auxilie Il esset visitat li 5. April par li medico William Henry Willcox (en), e li inquestor legal esset Ingelby Oddie - pos su morte, Sr. Oddie campaniat por un reduction del accessibilitá del drogue quel assassinat le. Quande il morit, il havet quarantott annus, e logiat con su sestra.^[7][4][8]

• Un articul de Moore in Cosmoglotta.

1. ↑ ^{1.0 1.1 1.2} (redaction), (1935). "† SR. GERALD A. MOORE" Cosmoglotta A104
2. ↑ (nequí), (1928). "Donationes al S.A.P.O.". Helvetia Nov1928
3. ↑ Moore, Gerald A. (1929). "Opiniones" Cosmoglotta A56
4. ↑ ^{4.0 4.1} (ínconosset), (8 April 1935). "Coroner Suggests Restriction of Drug from Which Director Died". Evening Standard.
5. ↑ (nequí), (1927). "Cronica" Cosmoglotta A43
6. ↑ Akermann, H. D. A. (1935). "† SR. GERALD A. MOORE" Cosmoglotta A104
7. ↑ (ínconosset), (1935). "Perils of Dial: Coroner Suggests Restriction. Drug of Increasing Danger". The Daily Telegraph.
8. ↑ (ínconosset), (9 April 1935). "Wants Sale of Dial Restricted". Daily Herald