Elim
Bestjoer
Provinsje	Drinte Oerisel
Gemeente	Hoogeveen
Sifers
Ynwennertal	2.340 (2020)
Oar
Postkoade	7916
Koördinaten	52° 41' NB, 6° 35' OL
Offisjele webside
elim-drenthe.com

Elim is in kolonistedoarp yn de gemeente Hoogeveen súdeastlik fan Hoogeveen en Hollânskefjild. It is kearn fan in grut gebiet mei ferspriede bewenning oan in rjochthoekich strjittepatroan. It doarp hat 2481 ynwenners en 886 wenningen (2011).

Elim wurdt foar it earst neamd yn 1915. De namme is ûntliend oan it Alde Testamint. It is de oaze dêr't de Israeliten taholden nei harren tocht troch de Reade See. Yn it earstoan hjitte de koloanje Dwersgat, dêrnei Hollandsche Veld Zuidoost. De nammeferoaring hat te krijen mei de stichting fan in Herfoarme gemeente yn 1915.

Elim en omkriten is it risseltaat fan in lange ûntginningsoperaasje troch ûnder oare de Bentinck Kompanjy, de Hollânske Kompanjy en de Ritmaster's Kompanjy oan de ein fan de 18e iuw. Op de Frânske kaart (1811-13) steane harren besittings oanjûn. Atlassen út 1851-1900 tsjutte it hiele feangebiet besúdeasten Hoogeveen oant de grins mei Oerisel oan as (It) Hollânske Fjild.
Op de Brink stiet it byld fan de Pullefarder, dy't eartiids de molkbussen fan de boeren alle dagen nei it molkfabryk yn Hoogeveen brocht. Op pulledei, de earste tongersdei fan de moanne, gienen de boeren nei it fabryk om it pullejild op te heljen; dêrnei waarden ynkeapen dien op de feemerk en yn de winkels.

De skelnamme foar de ynwenners is: Elimiten.

De pleatslike fuotbalklub is SC Elim, de kuorbalklub hjit KV Elko.

• Elim - Oase in Drenthe

52° 41' NB, 6° 35' EL

	Hoogeveen
Doarpen: Alteveer • Elim • Fluitenberg • Hoogeveen • Hollandscheveld • Nieuw Moscou • Nieuweroord • Nieuwlande • Nijstad • Noordscheschut • Pesse • Stuifzand • Tiendeveen
· ·