Söl'ring

MaK G 1206
MaK G 1206 fan MRCE ön Moers
Becht fan des Aart:	246[1]
Fabrik:	MaK
Bechningsjaar(en):	sent 1997
Aksformel:	B’B’
Spöörbreetji:	1435 mm (Normaalspöör)
Leengdi aur Puffer:	14.700 mm
Hoogdi:	4220 mm
Breedji:	3080 mm
Draiknasten sen ütenachtler:	7200 mm
Draistaalen sen ütenachtler:	2400 mm
Litjest Hualevmeeter:	60 m
Wecht lerig:	82 t
Tiinstwecht:	84–90 t
Töleten Gauhair:	80 / 90 / 100 km/h
Iinbecht Maskiinenkraft:	1570 kW; 1500 kW *
Öntochkraft:	291 kN
Driifweelen-Döörmeeter:	1000 mm
Maskiinentyp:	MTU 16V 396 TC14; MTU 12V 4000 R20* Caterpillar_3512B_DI-TA* MTU 12V 4000 R41
Meskiin drait me:	1800/min
Kraft uur aurdrain:	hydraulisk
Brenstoftank:	3150 l
*) Maskiinen me 1500 kW

Di Lokomotiiwi MaK G 1206 es en Maskiin me dieselhydraulisk Öndreft wat fan di Maschinenbau Kiel (MaK) üttaacht waar. MaK waar 1998 fan Vossloh koopet en jit sent des Tir Vossloh Locomotives.

Di G 1206 heer 1500 of 1570 kW en mut altert 100 km/h laap. Di Maskiinen sen fan Caterpillar ofr MTU Friedrichshafen. Hat jeft di Lok me en Tiinstwecht fan 84 t bit 90 t. Di Tank ken 3150 l āpnem.

Iin ön dit dütsk Register stuunt di G 1206 me di Numern 92 80 1275 of BR 275 (bit 100 km/h töleten Gauhair) en 1276 (aur 100 km/h).

• 
  G 1206 üs BB 61000 fan di SNCF fret
• 
  "Birgit" es en G 1206 fan 2001 me 1500kW-Maskiin, jir ön Muasem.

Die MaK G 1206 ken swaari Frachtentochen uk aur leengeri Streeken tii. Di Jest waar 1997 becht, en di Aart kür naa Dütsklön, Frankrik, di Swaits, Uasterrik, Luksemborig (als CFL-Reeg 1500), Itãlien, Spãnien en di Neđerlönen forkoopet uur.
Bluat ön Frankrik sen al 23 Lokomotiiwen üs BB 61000 bei der SNCF önerwai, diarfan soks me MTU-Maskiin.

Di Frachtentoch kumt trii Lop di Week naa Söl, en fuar't Miist es di ruar Lok üp Skelt diarfuar. Jü heer uk al bi di RDC-Autotoch ütholpen, üs jen fan di diari ME 26 - Lokomotiiwen ütfeelen wiar.

Di Maskiin es rocht stark, en diarom wiar tau Kööltürner nöörig. Di G 1206 es diarom en bet leenger üs höör Forgungsters.
Di jest Loks wiar fuar 80 km/h töleten, leeterhen jaav dit uk Ütfööringen me 100 en aur 100 km/h.

Di Maskiin fan MTU es en V12, en di jit MTU 12V 4000 R20 (Me "R" fuar "Rail"). Me Maskiin fan Caterpillar es di Mootorhüüf en bet breerer en hooger.

Helmut Petrovitsch "Europa-Loks für Rangier- und Streckendienst", Eisenbahn-Magazin Nummer 9 fan't Jaar 2016, üp di Siren 10–14, ISSN 0342-1902

 Commons: MaK G 1206 – Saamling fan Skelter en Videos

• MaK G 1206 bi "Loks aus Kiel"
• Portrait fan di "Sölring" Lok bi "loks-aus-kiel.de"

1. ↑ http://www.loks-aus-kiel.de