Glenn Ford
(1955) Irudi gehiago
Bizitza
Jaiotzako izen-deiturak	Gwyllyn Samuel Newton Ford
Jaiotza	Sainte-Christine-d'Auvergne, 1916ko maiatzaren 1a
Herrialdea	Kanada  Ameriketako Estatu Batuak
Lehen hizkuntza	ingelesa
Heriotza	Beverly Hills, 2006ko abuztuaren 30a (90 urte)
Hobiratze lekua	Woodlawn Memorial Cemetery (en)
Heriotza modua	berezko heriotza: istripu zerebrobaskularra
Familia
Ezkontidea(k)	Eleanor Powell (en)  (1943 -  1959) Kathryn Hays  (1966 -  1969) Cynthia Hayward (en)  (1977 -  1984) Jeanne Baus (en)  (1993 -  1994)
Seme-alabak	ikusi Peter Ford (en)
Hezkuntza
Heziketa	Santa Monica High School (en)
Hizkuntzak	ingelesa
Jarduerak
Jarduerak	zinema aktorea, ofizierra, karaktere aktorea eta telebista-aktorea
Altuera	175 zentimetro
Jasotako sariak	ikusi Ohorezko Legioa Golden Globe Award for Best Actor – Motion Picture Musical or Comedy  (1961) : Pocketful of Miracles (en) Izarra Hollywoodeko Ospearen pasealekuan Donostia Saria (Zinemaldia)  (1987)
Genero artistikoa	Westerna
Zerbitzu militarra
Adar militarra	Ameriketako Estatu Batuetako Itsas Armada Ameriketako Estatu Batuetako Marineen Gorputza
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	Ameriketako Estatu Batuetako Alderdi Errepublikanoa
glennford.com

Gwyllyn Samuel Newton Ford (Quebec Hiria, Quebec, 1916ko maiatzaren 1a – Beverly Hills, Kalifornia, 2006ko abuztuaren 30a), Glenn Ford ezizenez ezaguna, estatubatuar antzezlea izan zen, kanadarra jatorriz. Gilda filmaren arrakastak betiko markatu zuen haren karrera. Gizon gogorrarena egin zuen gehienetan, eta paper horretan lortu zituen bere antzezpen hoberenak, baita ezohiko egoerei aurre egitera beharturik zegoen gizonarena ere, baina komedian lan egin zuenean ere, uste zitzaizkionak baino dohain handiago zituela erakutsi zuen. 1987an Donostia saria jaso zuen.

Gazte-gaztetik antzerkirako zaletasuna erakutsi zuen, eta lehen antzezpenak eskolan egin ondoren, konpainia ibiltari batentzat lan egin zuen Estatu Batuetako mendebaldeko kostan zehar. 1940an 20th Century Fox konpainiako film batean parte hartu bazuen ere, berehala Columbia Picturesen hasi zen lanean eta film asko egin zituen harentzat.

Bigarren Mundu Gerraren etenaren ondoren, 1946an, zinemaren historiako film ospetsuenetako batean parte hartu zuen: Gilda, Charles Vidorren gidaritzapean. Film horretan zinemaren historiako irudi famatuenetako bat agertzen da: alegia, Fordek Gildari (Rita Hayworth) ematen dion masailekoa. Film haren arrakasta zela-eta, Ford eta Hayworthek elkarrekin lan egin zuten beste bitan: The Loves of Carmen (“Carmenen amodioak”, 1948, Charles Vidor), eta Affair in Trinidad (1952, Vincent Sherman); baina film horiek ez zuten Gildak adinako arrakastarik izan, eta handik aurrera bakoitzak bere bidea hartu zuen.

1950eko hamarkadan, era askotako filmak egin zituen, westernak eta polizia filmak, besteak beste: Erosiak (1953, Fritz Lang), Gaiztakeriaren hazia (1955, Richard Brooks) eta abar. 1956an, komedia batean parte hartu zuen, Delbert Mannen Abuztuko ilargiko te etxea, eta geroxeago, Dalmer Davesen 3:10etako trena filmean. 1959an, Metro Goldwyn Mayer ekoizpen etxearentzat hasi zen lanean. Garai hartan egindako lanen artean, Cimarron (1960, Anthony Mann), Ganster bat mirari baterako (1961, Frank Capra), eta Apokalipsiko lau zaldunak (1961, Vincente Minnelli) ditu aipagarrienak. Azkeneko urteetan, arrakastarik gabeko filmak egin ondoren, bere izenaren ospeaz baliatu ziren telebista sailetan parte hartu zuen.

Wikimedia Commonsen badira fitxategi gehiago, gai hau dutenak: Glenn Ford

• (Ingelesez) Argazki galeria