C.P.D. Sir Hwlffordd

Enw llawn	Clwb Pêl-droed Sir Hwlffordd
Llysenw(au)	Yr Adar Gleision Y Orllewin
Sefydlwyd	1899
Maes	Stadiwm Bridge Meadow
Cynghrair	Uwch Gynghrair Cymru
2023/24	8.

Clwb pêl-droed o Hwlffordd, Sir Benfro ydy Clwb Pêl-droed Sir Hwlffordd (Saesneg: Haverfordwest County Association Football Club). Mae'r clwb yn chwarae yng Nghynghrair Cymru (Y De), ail adran pêl-droed yng Nghymru.

Ffurfiwyd y clwb yn 1899^[1] ac maent yn chwarae ar faes Dôl y Bont.

Ffurfwyd y Clwb yn 1899 fel C.P.D. Hwlffordd ond ar ôl blynyddoedd o chwarae yng Nghynghrairt Sir Benfro, newidiwyd enw'r clwb i C.P.D. Athletic Hwlffordd ym 1936 wedi iddynt sicrhau dyrchafiad i Gynghrair Cymru'r De^[1][2].

Cafwyd newid arall i enw'r clwb ym 1956 wrth iddynt fabwysiadu'r enw C.P.D. Sir Hwlffordd ac yn yr un tymor, llwyddodd y clwb i ennill pencampwriaeth Cynghrair Cymru'r De am y tro cyntaf yn eu hanes^[3]. Llwyddodd y clwb i ennill y bencampwriaeth ar ddwy achlysur arall, ym 1980-81^[4] a 1989-90^[5] cyn dod yn un o aelodau gwreiddiol Uwch Gynghrair Cymru ym 1992-93.

Byr iawn oedd eu cyfnod cyntaf yn y Gynghrair Genedlaethol gan i'w maes gael ei brynnu gan archfachnad Safeway. Methodd y clwb a dod o hyd i faes o safon derbyniol i'r Gynghrair tra bo maes newydd yn cael ei adeiladu a bu rhaid iddynt ddisgyn yn ôl i Gynghrair Cymru'r De ar gyfer tymor 1994-95.

Ym 1997, sicrhawyd dyrchafiad yn ôl i'r Uwch Gynghrair wrth iddynt orffen ar frig Cynghrair Cymru'r De am y pedwerydd tro yn eu hanes^[6].

Bu i chwaraewr Cymru, Simon Davies, gychwyn ei yrfa fel bachgen yn Hwlffordd. Mab o ardal Sir Benfro ydyw.

Tymor	Cystadleuaeth	Rownd	Clwb	Cymal 1af	2il Gymal	Dros Ddau Gymal
2004-05	Cwpan UEFA	Rd. Rhag	FH	0–1	1–3	1–4