Rumah Tjong A Fie adalah rumah dua lantai di Jalan Ahmad Yani di Kesawan, Medan, Sumatra Utara, nang dibangun ulih Tjong A Fie (1860–1921), padagang Hakka nang baisi banyak tanah pakabunan di Medan. Inya kamudian diangkat sabagai Majoor der Chineezen di Medan wan mamimpin pambangunan rel kareta api Medan-Belawan. Rumah ini masih diwadahi katurunan Tjong A Fie. Tia, sajak tahun 2009 anggal rumah ini diingkap gasan dikunjungi umum.

Rumah ini tuntung dibangun tahun 1900 wan dirancang lawan gaya arsitektur Tionghoa, Eropa, Melayu wan art-deco wan manjadi objek wisata basajarah di Medan.^[1][2][3] Di rumah ini, pangunjung kawa mangatahui sajarah kahidupan Tjong A Fie limpas poto-poto, lukisan sarta parabutan rumah nang dipakai ulih kaluarganya sarta mampalajari budaya Melayu-Tionghoa.^[4][3]

Tjong A Fie badingsanak lawan Cheong Fatt Tze nang mambangun Cheong Fatt Tze Mansion di Penang, Malaysia. Sakilas ada kahiripan antara Rumah Tjong A Fie wan Cheong Fatt Tze Mansion.

1. ^ (Bahasa Indonesia)Tjong A Fie Memorial Institute - History Archived 2009-02-27 at Archive.today, Tjong A Fie Memorial Institute. Diakses pada 12 Mei 2010.
2. ^ (Bahasa Indonesia)Memori Kejayaaan Tjong A Fie (1) Archived 2010-01-06 at the Wayback Machine, hariansumutpos. Diakses pada 12 Mei 2010.
3. ^ ^{a b} (Bahasa Indonesia)Belajar Sejarah di Tjong A Fie Mansion Archived 2015-01-18 at the Wayback Machine, hariansumutpos. Diakses pada 12 Mei 2010.
4. ^ (Bahasa Indonesia)Istana Tjong A Fie Dibuka Untuk Umum, beritasore. Diakses pada 12 Mei 2010.