|
Pilmograpiya ni Katrina Kaif Si Katrina Kaif sarong aktres na Ingles na nagluwas sa mga pelikula sa Bollywood. An pinakainot niyang pagluwas sa pelikula kan 2003 sa sarong drama na igwang titulong Boom, sarong matriyumpong pelikula.[1] Dangan nagganap siya bilang mayor na aktres sa pelikulang Telugu na Malliswari (2004).[2] Si Kaif inot na naging matriyumpo sa Bollywood kan magluwas siya bilang katambal ni Salman Khan sa romantikong komedyang Maine Pyaar Kyun Kiya? (2005) ni David Dhawan. An saro pa niyang pelikula kan taon na idto iyo an political thriller na Sarkar ni Ram Gopal Varma—nagin man matriyumpo sa takilya.[3] An romansang musikal na Humko Deewana Kar Gaye (2006) itinampok si Kaif na katambal si Akshay Kumar para sa pinakainot sa kadakol na masurunod niyang pelikula, dawa na an pelikula dai nagtabo sa takilya.[4][5] Magpoon sa Namastey London, an taon 2007 nagin pinakamahalaga sa saiyang karera kan an gabos na apat niyang ginampanan na papel nagin matriyumpong mga pelikula.[6] Kaiba digdi an duwang sa mga pinakamabentang produksyon kan taon—an mga komedyang Partner asin Welcome.[7] Kan 2008, an inot na duwang pelikula ni Kaifkan taon na idto—iyo an action thriller na Race asin an action comedy na Singh Is Kinng—nagluwas na matriyumpong asin kabali sa mga pinakamabentang pelikula sa Bollywood kan taon. Alagad, an huring pelikula niya kan taon—an komedyang musikal na Yuvvraaj—dai nagtabo sa takilya.[8] Kan 2009, nakaresibe si Kaif nin sarong nominasyon para sa Filmfare Award for Best Actress para sa saiyang pagganap sa terrorism dramang New York ni Kabir Khan.[9] Dangan kan huring parte kan tao, nakatambal niya si Ranbir Kapoor sa komedyang Ajab Prem Ki Ghazab Kahani.[3] Kan 2010, si Kaif ginampanan an papel kan sarong polikito sa political thriller na Raajneeti ni Prakash Jha asin sarong aspiring actress sa Tees Maar Khan.[3][10] Mantang an nainot nagin box-office hit, an huri nagin kabaliktadan.[11][12] Poon 2011 sagkod 2014, nagluwas si Kaif sa mga pinakamabentang produksyon sa lambang taon na ipigluwas an saiyang pelikula. Kan 2011, nagganap siya bilang katambal ni Hrithik Roshan sa ensemble comedy-drama na Zindagi Na Milegi Dobara Zoya Akhtar, asin nakaresibe nin mga positibong kritisismo para sa saiyang pagganap bilang sarong babaing ikakasal na nagdulag sa romantic comedy na Mere Brother Ki Dulhan ni Ali Abbas Zafar na nakatao ki Kaif kan saiyang ikaduwang nominasyon sa Best Actress sa Filmfare. Sinundan niya ini kan 2012 bilang mayor na aktres sa spy thriller na Ek Tha Tiger asin sa romansang pelikula na Jab Tak Hai Jaan, anas ini nagganar ni labi sa Plantilya:INRConvert sa bilog na kinaban. Kan sumunod na taon, si Kaif nagganap bilang sarong circus performer katambal ni Aamir Khan sa action thriller na Dhoom 3 (2013) ni Vijay Krishna Acharya, na nagganar nin labi sa Plantilya:INRConvert sa bilog na kinaban tanganing magin may pinakahalangkaw na ganar na pelikulang Indyan kan gabos na panahon kan puntong idto. Nagbalik-tambalan man siya ki Roshan tanganing magin mayor na aktres sa Bang Bang! (2014) ni Siddharth Anand, na nagin saro sa mga pinakamabentang pelikulang Indyan dawa na nakaresibeng halong rebyu. Dai na ini nagibo likwat ni Kaif sa saiyang apat na surunod na pelikula, kabali an war drama na Phantom (2015), an romansang Fitoor (2016), asin an adventure comedy na Jagga Jasoos (2017), na nagin angat sa saiyang karera. An pinakainot niyang triyumpo sa tulong taon na ini nag-abot kan siya magganap sa spy thriller na Tiger Zinda Hai (2017), sarong sequel sa Ek Tha Tiger na nagin ikaduwang ikaduwang pinakamabenta kan taon na igwa nin ganar sa bilog na kinaban nalampas Plantilya:INRConvert. Kan 2018, si Kaif itinampok sa duwang pinakamahal na pelikulang Indyan sa gabos na panahon—an action adventure na Thugs of Hindostan asin an romantic comedy na Zero, anas dai nagtabo sa takilya. Alagad, inumaw an saiyang pagganap sa huring pelikula asin nagtao saiya nin sarong nominasyon sa Filmfare Award for Best Supporting Actress. An sunod niyang pelikula, an period drama na Bharat (2019), nagganar nin lampas Plantilya:INRConvert sa bilog na kinaban tanganing maglataw bilang saro sa mga pinakamabentang pelikula sagkod sa ngunyan.
Films
Hilingon manFootnotes
Toltolan
Mga panluwas na takod Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.Information related to Pilmograpiya ni Katrina Kaif |
Portal di Ensiklopedia Dunia
