An A Separate Peace sarong nobelang sinurat ni John Knowles, asin pinublikar man kan taon 1959. Basado ini sa halipot nyang usipon na "Phineas", na naipublikar man kaidtong Mayo 1956 issue kan Cosmopolitan, inot ining napublikar na nobela ni Knowles asin ini man an nagin pinakabantog sa saiyang mga ginibo. Nangyari an istorya sa tahaw kan Panduwang Gerang Pankinaban. Nagpapahiling an nobelang ini nin moralidad, patriotismo, kawaran nin inosensya kan nag-iistorya na si Gene.

Nagbwelta si Gene Forrester sa saiyang dating eskwelahan, sa Devon. Pigsasabing hali man ini sa dating pigklasehan ni Knowles na Phillips Exeter Academy. Kinseng taon makalihis na sya makagradwar, pigbisita nya an duwang lugar na sinasabi nyang "fearful sights", sarong hagyan na gibo sa marmol dangan sarong dakulang poon nin kahoy kun sain nahulog an amigo nyang si Phineas. Kan primero, pighiling nya an hagyan dangani narisa nyang gibo ini sa marmol. Nagpasiring man sya sa poon kan kahoy dangan digdi na nagpuon an saiyang pag girumdom. Pigpapahiling magpoon sa puntong ini an mga pangyayari magpoon kan tig-init kan 1942 hasta 1943. Dise-sais pa sana sya kan 1942 asin nag-iistar sa Devon kaiba an amigo nyang si Phineas (igwang gaha na Finny). Nasa katahawi idtong gayo kan World War II asin ining pangyayaring ini, igwa nin dakulang epekto sa istorya asin sa mga karakter.

• Gene Forrester: Pigsaysay an nobela sa punto de vista ni Gene.
• Phineas (Finny): Amigo asin kairiba sa kwarto ni Gene.
• Brinker Hadley: Kaklase asin amigo ninda Gene saka Finny.
• Elwin 'Leper' Lepellier: Amigo ninda Finny asin Gene dangan miembro man kan Super Suicide Society of the Summer Session.

An Separate Peace gulpi nin mga tema, motifs asin simbolismo na makukua sa kainitiruhan kan libro

An sentral na relasyon ninda Gene asin Finny sarong modelo nin co-dependency

An athletics dakulang parte sa personalidad ni Finny - hinihiling nya ini bilang porma nin pag-angat, asin nagtutubod man sya na dai nin mga nanggagana o nadadaog.

An Summer Session sa Devon High School nagpapahiling nin katalingkasan, kawaran nin orden, asin kadiit sanang pag-aradal..

An pagkarakdag ni Finny sa poon kan kahoy minarepresentar sa climax kan nobela.

Kadakol nagsasabi na an nobela daa igwa nin tema nin homoeroticism sa tahaw ninda Gene asin Finny, kaiba na igdi an nag eendorso nin queer reading sa nobela, asin idtong mga nagkokondena kan homosekswalidad bilang imoral.

Piggibo naman na pelikula an nobela, an inot, pinagbidahan ni Parker Stevenson bilang Gene asin si John Heyl bilang si Finny, asin man sa screenplay ni Fred Segal dangan John Knowles, na pigluwas kan taon 1972;^[1] an panduwa, sa direksyon ni Peter Yates, asin screenplay ni Wendy Kesselman, na pigluwas kan taon 2004.

• 1960 New York Times bestseller (Fiction)
• 1961 William Faulkner Foundation Award, inaugural winner
• 1961 National Book Award finalist (Fiction)

• Mga relatibong Quotation para sa A Separate Peace duman sa Wikiquote

Pinopoonan an artikulong ini.