Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

The Beatles
D'alto t'abaixo y d'ezquierda ta dreita: Lennon, McCartney, Harrison y Starr.
Nombre	{{{Nombre_de_naiximiento}}}
Embotada	{{{Alias}}}
Naixió	{{{Naiximiento}}}
Murió	{{{Muerte}}}
Información musical
Orichen	Liverpool, Anglaterra
Estilo	Pop, rock
Ocupancia	{{{Ocupancia}}}
Instrumentos	{{{Instrumento}}}
Tiempo	1960 - 1970
Discograficas	Parlophone, Apple y Capitol.
Relacionau con	{{{Artistas_relacionaus}}}
Pachina web	www.beatles.com
Miembros
John Lennon (1960-1970). Paul McCartney (1960-1970). George Harrison (1960-1970). Ringo Starr (1962-1970).
Atros miembros
Pete Best (1960-1962). Stuart Sutcliffe (1960-1961).

The Beatles estió un grupo musical orichinario d'a ciudat de Liverpool en Anglaterra, estando a suya formación mas duradera y conoixida compuesta por John Lennon, Paul McCartney, George Harrison y Ringo Starr. Ye una d'as collas de musica pop con mas exitos de ventas de discos d'a historia d'a musica popular, y amás han conseguito o reconoiximiento d'os criticos.^[1] As suyas aportacions innovadoras a la musica popular y o suyo impacto cultural tenioron una gran transcendencia en os anyos 1960, que continará en os anyos posteriors. O grupo, establito en 1960, remató as suyas actividaz como grupo en 1970, encara que os suyos miembros continoron con a suya carrera musical de manera independient.

Estioron en os anyos 1960 os establidors d'a musica beatnik (u beat), dende os suyos inicios en o rock and roll, encara que con influencias d'o rhythm and blues y d'o blues. Sindembargo, en plegar o suyo exito dende meyatos d'a decada, se facioron patents en o suyo estilo musical bellas influencias d'a musica oriental, apareixendo asinas a psicodelia y, ya en zaguerías d'a suya carrera, o rock progresivo.

As suyas cancions estioron fidel reflexo de parte d'a choventut d'o suyo momento historico, que miraba d'estar a la marguin d'a sociedat de consumo ta creyar una nueva sociedat, estando a suya musica o icono d'os movimientos pacifistas u antimelitaristas, u mesmo d'a liberación sexual. Asinas, dende 1962 dica 1970 vendioron 400 milions de discos arredol d'o mundo, alto u baixo, y ista cifra plegó dica mas de 1.000 milions en 1985. As suyas cancions son d'as mas versionadas per atros grupos, tamién i hai bandas tributo que imitan y versionan as suyas cancions.

A historia de The Beatles prencipia en marzo de 1957, cuan un choven John Lennon formó un chicot grupo musical, The Quarrymen. Dimpués de conoixer a Paul McCartney, iste se i adhibió, y George Harrison dentró en o grupo en 1958. O nombre d'o grupo cambeó bels begatas estando en primeras Johnny and The Moondogs y The Silver Beetles dimpués, dica o nombre definitivo The Beatles fendo un chuego de parolas con a parola anglesa beat. En 1960 dentró en o grupo Stuart Sutcliffe, y lis contratoron cuantas actuacions en a Reeperbahn d'Hamburgo, en Alemanya.

O 17 d'agosto de 1960 plegoron a Hamburgo, encara que tenioron problemas con o propietario d'o local que les heba feito o contracto, qui denunció a Harrison a las autoridaz alemanas, en estar iste encara menor d'edat. As autoridaz deportoron a Harrison, anque i tornoron en 1961. En iste segundo viache a suya musica tenió exito en a ciudat, prencipiando asinas a suya carrera, encara que en as primeras anyadas, dica 1964, facioron cuatre viaches a Hamburgo, que heba estau o puesto fundamental d'a suya carrera musical.

• 1963: Please Please Me.
• 1963: With The Beatles.
• 1964: A Hard Day's Night.
• 1964: Beatles For Sale.
• 1965: Help.
• 1965: Rubber Soul.
• 1966: Revolver.
• 1967: Sgt. Pepper's Lonely Hearts Club Band.
• 1967: Magical Mystery Tour.
• 1968: White Album.
• 1969: Yellow Submarine.
• 1969: Abbey Road.
• 1970: Let It Be.

Amás de muitos discos recopilatorios, luego d'a disolución d'o grupo han apareixito bellas edicions con material inedito u gravato en dreito:

• 1977: Live at the Hollywood Bowl.
• 1988: Past Masters, vol 1.
• 1988: Past Masters, vol 2.
• 1994: Live at the BBC.
• 1995: Anthology 1.^[3]
• 1996: Anthology 2.^[3]
• 1996: Anthology 3.^[3]
• 1999: Yellow Submarine Songtrack.^[4]
• 2003: Let It Be... Naked.^[5]
• 2006: Love.

• 1964: A Hard Day's Night ^[6]
• 1965: Help! ^[7]
• 1967: Magical Mystery Tour ^[8]
• 1968: Yellow Submarine ^[9]
• 1970: Let It Be ^[10]

• 1979: Birth Of The Beatles
• 1994: Backbeat
• 1995: The Beatles Anthology

• Se veigan as imáchens de Commons sobre The Beatles.
• (en) Pachina web oficial de The Beatles.
• Arte de The Beatles para su uso libre en el directorio de contenido de Creative Commons.
• (en) Museo d'os Beatles en Liverpool.