Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo sufixo -án(o) deriva d'o latín -ANU, -ANA y tiene una función primordial adchetivadera. En belsetán, tellán y chistabín se gosa presentar con apocopa d'a -o final, feito conoixiu en aragonés medieval d'a val d'Ebro. L'aragonés ha heredau d'o latín o suyo emplego pa creyar chentilicios.

• Cercano.^[1]
• Forano.
• Humano.
• Meyano^[1] / mediano^[2] / michano.^[3]
• Mundano.
• Serrano.
• Sobirano / sobirán.
• Solano.^[3][4]
• Tardano.^[2][3][4]
• Temprano.

• Aldeyano (habitador d'una aldeya).
• Avellana: deriva de NUX ABELLĀNA ("nuez d'Abella").
• Cabezana.^[2][3]
• Castellano / castellano.
• Catantán.^[2]
• Chermano /^[5][6][7]chirmán:^[8] derivan de FRĀTER GERMĀNUS, "chermano carnal, con lo mesmo GERMEN".
• Coscarana.^[3]
• Livianos.
• Mardano^[3] / mardán.^[2]
• Mazana / manzana.
• Pelafustán.^[2]
• Pinzán^[4] / pinchán^[2] / pilzán.^[3]
• Rastano.^[3]
• Rustán.^[2]
• Semana: deriva de SEPTIMUS a traviés de SEPTIMĀNUS.
• Serrano (habitador d'una sierra).
• Somontano / semontano.
• Verano: deriva de TEMPUS VĒRĀNUM, fin de la primavera.
• Villano (habitador d'una villa).

• Perdigana.^[3]

La función orichinal d'o sufixo -ĀNUS en latín yera la creyación d'adchectivos chentilicios (ROMĀNUS), tanto a partir de toponimos como a partir de puestos comuns (MONTĀNUS). Dende estos emplegos s'estendilló a la creyación d'adchectivos derivaus de periodos de tiempo (MERĪDIĀNUS), antroponimos (AEMILIĀNUS), y atros. Ya en latín bel adchectivo en -ĀNUS se substantivizó (HORTOLĀNUS).

Bi ha adchectivos latinos creyaus con -ĀNUS, -ĀNA han perdurau en las luengas romances como substantivos con las terminacions patrimonials correspondients. En Campania bi heba una ciudat Abella a on que yera celebre la NUX ABELLĀNA que ha dau nombre a las avellanas.

La forma en astur-leyonés ye -anu, -ana, en castellano -ano, -ana, en catalán -à, -ana, en occitán -an, -ana, en francés -ain, -aine, en italiano -ano, -ana y en rumano -ân, -ână.

• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396.
• (es) BARCOS, Miguel Ánchel: El Aragonés Ansotano: estudio lingüístico de Ansó y Fago. Gara d'Edizions. Zaragoza, 2007.
• (es) Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
• (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.