Partij van de Arbeid
PvdA
Leier	Frans Timmermans
Gestig	9 Februarie 1946
Samesmelting van	Sociaal Democratische Arbeiders Partij, Vrijzinnig Democratische Bond, Christelijk-Democratische Unie
Hoofkwartier	Partijbureau PvdA, Leeghwaterplein 45, Den Haag
Jeugvleuel	Jonge Socialisten in de PvdA
Ideologie	Sosiale demokrasie, derde weg
Internasionale affiliasie	Progressive Alliance Sosialistiese Internasionaal (waarnemer)
Amptelike kleure	rooi
Webblad	pvda.nl

Die Party van die Arbeid (Nederlands: Partij van de Arbeid, PvdA) is 'n Nederlandse sosiaal-demokratiese politieke party wat in 1946 gestig is.

Die party het kort na die Tweede Wêreldoorlog voortgekom uit die vooroorlogse Sosiaal-Demokratiese Arbeidersparty (SDAP), die Vrysinnig-Demokratiese Bond (VDB) en die klein Christen-Demokratiese Unie (CDU). Sedertdien het dit 'n belangrike rol in die Nederlandse politiek gespeel, veral tydens die kabinette van Willem Drees (1948-58), Joop den Uyl (1973-1977) en Wim Kok (1994-2002). Van 5 November 2012 tot 26 Oktober 2017 het die PvdA met die liberale Volksparty vir Vryheid en Demokrasie (VVD) die Rutte II-kabinet gevorm, daarna was dit in die opposisie teen die regs-sentrale Rutte III-kabinet.

Die politieke leier is Frans Timmermans. In die verkiesings van die nuwe Tweede Kamer op 22 November 2023 het die Party van die Arbeid saam met GroenLinks 25 setels behaal.

vir die samewerkende faksie, sien; GroenLinks-PvdA

Die Party van die Arbeid is 'n lid van die Sosialistiese Internasionaal.

• Willem Drees: 9 Februarie 1946 – 22 Desember 1958
• Jaap Burger: 22 Desember 1958 – 16 September 1962
• Anne Vondeling: 16 September 1962 – 13 September 1966
• Joop den Uyl: 13 September 1966 – 21 Julie 1986
• Wim Kok: 21 Julie 1986 – 15 Desember 2001
• Ad Melkert: 15 Desember 2001 – 16 Mei 2002
• (Jeltje van Nieuwenhoven): 16 Mei 2002 – 12 November 2002 (parlementêre leier TK)
• Wouter Bos: 12 November 2002 – 25 April 2010
• Job Cohen: 25 April 2010 – 20 Februarie 2012
• (Jeroen Dijsselbloem): 20 Februarie 2012 – 16 Maart 2012 (parlementêre leier TK)
• Diederik Samsom: 16 Maart 2012 – 10 Desember 2016
• Lodewijk Asscher: 10 Desember 2016 – 14 Januarie 2021
• Lilianne Ploumen: 23 Januarie 2021 – 12 April 2022
• Attje Kuiken: 22 April / 11 Junie 2022 – November 2023
• Frans Timmermans: November 2023 – nou

• Partij van de Arbeid (PvdA), Parlement.com
• Partij van de Arbeid (PvdA), DNPP

• Amptelike webwerf