சூலை 9 (July 9) கிரிகோரியன் ஆண்டின் 190 ஆம் நாளாகும். நெட்டாண்டுகளில் 191 ஆம் நாள். ஆண்டு முடிவிற்கு மேலும் 175 நாட்கள் உள்ளன.

• 455 – இராணுவத் தளபதி அவிட்டசு மேற்கு ரோமப் பேரரசராக அறிவிக்கப்பட்டார்.
• 869 – சப்பானில் வடக்கு ஒன்சூ அருகே செண்டாய் பிரதேசத்தில் இடம்பெற்ற பெரும் நிலநடுக்கம் மற்றும் ஆழிப்பேரலையால் பெரும் சேதம் ஏற்பட்டது.
• 1401 – தைமூர் ஜலாய்ரித் சுல்தானகத்தைத் தாக்கி பக்தாதை அழித்தார்.
• 1540 – இங்கிலாந்து மன்னர் எட்டாம் என்றி தனது நான்காவது மனைவி ஆன் உடனான திருமண உறவை சட்டபூர்வமாகத் துண்டித்தார்.
• 1755 – பென்சில்வேனியாவில் பிரெஞ்சு மற்றும் அமெரிக்கப் பழங்குடிப் படையினர் பிரித்தானியப் படைகளைத் தோற்கடித்தனர்.
• 1790 – பால்ட்டிக் கடலில் இடம்பெற்ற மோதலில் சுவீடனின் கடற்படயினர் உருசியக் கப்பல்களை பெரும் எண்ணிக்கையில் கைப்பற்றினர்.
• 1807 – பிரான்சின் முதலாம் நெப்போலியனும் உருசியாவின் முதலாம் அலெக்சாந்தரும் தில்சித் நகரில் அமைதி ஒப்பந்தத்தில் கையெழுத்திட்டனர்.
• 1810 – ஒல்லாந்து இராச்சியத்தை நெப்போலியன் தனது முதலாம் பிரஞ்சு பேரரசுடன் இணைத்துக் கொண்டான்.
• 1816 – அர்கெந்தீனா எசுப்பானியாவிடம் இருந்து விடுதலையை அறிவித்தது.
• 1821 – கிரேக்க விடுதலைப் போரில் உதவியமைக்காக பேராயர் கிப்பிரியானொசு உட்பட 470 முக்கிய சைப்பிரசினர் தூக்கிலிடப்பட்டனர்.
• 1837 – பிரித்தானிய இலங்கை, சட்டவாக்கப் பேரவையில் முதல் தடவையாக அதிகாரபூர்வமற்ற உறுப்பினர்கள் பதவியேற்றனர்.^[1]
• 1850 – பாரசீக இறைவாக்கினர் பாப் தப்ரீசு நகரில் தூக்கிலிடப்பட்டார்.
• 1868 – அனைத்து ஆப்பிரிக்க அமெரிக்கர்களுக்கும் முழுக் குடியுரிமை வழங்கும் சட்டமூலம் ஐக்கிய அமெரிக்காவில் நிறைவேற்றப்பட்டது.
• 1875 – உதுமானியரின் ஆட்சிக்கு எதிரான எர்சகோவினா கிளர்ச்சி ஆரம்பமானது. இது மூன்று ஆன்டுகள் நீடித்தது.
• 1877 – முதலாவது விம்பிள்டன் போட்டிகள் ஆரம்பமாயின.
• 1900 – ஆத்திரேலியக் கண்டத்தில் தனித்தனியே குடியேற்ற நாடுகளாக இருந்த மாநிலங்கள் ஆத்திரேலியக் கூட்டமைப்பின் கீழ் ஒன்றிணைக்க விக்டோரியா மகாராணி ஒப்புதல் அளித்தார்.
• 1900 – வெளிநாட்டு கிறித்தவ மதப்பரப்புனர்கள் 45 பேரைத் தூக்கிலிட வடக்கு சீனாவின் சான்சி மாகாண ஆளுநர் உத்தரவிட்டார்.
• 1903 – யாழ்ப்பாணத்தில் இந்து இளைஞர் அமைப்பு உருவானது.^[2]
• 1918 – அமெரிக்காவின் நாஷ்வில் என்ற இடத்தில் இரண்டு தொடருந்துகள் மோதிக்கொண்டதில் 101 பேர் உயிரிழந்தனர், 171 பேர் படுகாயமடைந்தனர்.
• 1943 – இரண்டாம் உலகப் போர்: நேச நாடுகள் சிசிலி மீதான தாக்குதலை ஆரம்பித்தன.
• 1948 – பாக்கித்தான் தனது முதலாவது அஞ்சல் தலையை வெளியிட்டது.
• 1955 – ரசல்-ஐன்ஸ்டைன் கொள்கை விளக்க அறிக்கை அணுவாயுதங்களினால் ஏற்படும் அழிவுகளைக் குறைக்கக் கோரியது.
• 1956 – யாழ்ப்பாணத்தில் நல்லூர் கந்தசுவாமி கோவில், வண்ணார்பண்ணை சிவன் கோவில், பெருமாள் கோயில் ஆகியன தாழ்த்தப்பட்டோரின் வழிபாட்டுக்காகத் திறந்து விடப்பட்டன.^[3]
• 1956 – கிரேக்கத்தில் சைக்கிளேடு தீவுகளில் 7.7 அளவு நிலநடுக்கமும், ஏஜியன் கடலில் ஆழிப்பேரலையும் ஏற்பட்டதில் 53 பேர் உயிரிழந்தனர்.
• 1982 – அமெரிக்காவின் பான் ஆம் விமானம் லூசியானாவின் வீழ்ந்ததில் அதில் பயணஞ் செய்த அனைத்து 145 பேரும் தரையில் இருந்த 8 பேரும் உயிரிழந்தனர்.
• 1986 – நியூசிலாந்தில் ஒருபாலுறவு சட்டபூர்வமாக அனுமதிக்கப்பட்டது.
• 1991 – 30 ஆண்டுகளின் பின்னர் தென்னாப்பிரிக்கா ஒலிம்பிக் விளையாட்டுக்களில் மீண்டும் சேர்த்துக் கொள்ளப்பட்டது.
• 1995 – யாழ்ப்பாணம் வலிகாமம் பகுதியில் இலங்கை இராணுவத்தின் முன்னேறிப் பாய்தல் இராணுவ நடவடிக்கை ஆரம்பிக்கப்பட்டது.
• 1995 – யாழ்ப்பாணத்தில் நவாலி பேதுருவானவர் தேவாலயம் மீது இலங்கை விமானப் படையினரால் நடத்தப்பட்ட குண்டுத் தாக்குதலில் குழந்தைகள், பெண்கள் உட்பட 141 பொதுமக்கள் கொல்லப்பட்டனர்.
• 2002 – ஆபிரிக்க ஒன்றியம் அடிஸ் அபாபாவில் அமைக்கப்பட்டது. தென்னாப்பிரிக்க அரசுத்தலைவர் தாபோ உம்பெக்கி இவ்வமைப்பின் முதலாவது தலைவரானார்.
• 2006 – சைபீரியாவில் இர்கூத்ஸ்க் விமான நிலையத்தில் 200 பேரை ஏற்றிச் சென்ற பயணிகள் விமானம் ஒன்று வீழ்ந்ததில் 125 பேர் உயிரிழந்தனர்.
• 2006 – 2006 உலகக் கிண்ணக் காற்பந்துப் போட்டியின் இறுதி ஆட்டத்தில் இத்தாலி பிரான்சை வென்று நான்காவது தடவையாக உலகக்கிண்ணத்தை தனதாக்கிக் கொண்டது.
• 2006 – அக்னி III ஏவுகணை ஒரிசாவில் சோதிக்கப்பட்டது. அதன் இரண்டாவது அடுக்கு இயங்க மறுத்தமையால் குறுகிய தூரத்தையே சென்றடைந்தது.
• 2011 – தெற்கு சூடான் சூடானில் இருந்து பிரிந்து தனி நாடானது.

• 1819 – எலியாஸ் ஓவே, தையல் இயந்திரத்தைக் கண்டுபிடித்த அமெரிக்கர் (இ. 1867)
• 1845 – ஜார்ஜ் ஓவார்டு டார்வின், ஆங்கிலேய வழக்கறிஞர், வானியலாளர், கணிதவியலாளர் (இ. 1912)
• 1858 – பிராண்ஸ் போவாஸ், செருமானிய-அமெரிக்க மானுடவியலாளர், மொழியியலாளர் (இ. 1942)
• 1866 – பனகல் அரசர், சென்னை மாகாணத்தின் 2-ஆவது முதலமைச்சர் (இ. 1928)
• 1893 – பி. வி. செரியன், இந்திய மருத்துவர், அரசியல்வாதி (இ. 1969)
• 1923 – ரேமண்ட் ஆல்ச்சின், பிரித்தானியத் தொல்லியலாளர் (இ. 2010)
• 1925 – குரு தத், இந்திய நடிகர், இயக்குநர், தயாரிப்பாளர் (இ. 1964)
• 1927 – ஜே. சி. டேனியல், இந்திய இயற்கையியலாளர் (இ. 2011)
• 1930 – கே. பாலசந்தர், திரைப்பட இயக்குநர், தயாரிப்பாளர் (இ. 2014)
• 1933 – ஆலிவர் சாக்சு, ஆங்கிலேய-அமெரிக்க மருத்துவர், எழுத்தாளர் (இ. 2015)
• 1938 – சஞ்சீவ் குமார், இந்தியத் திரைப்பட நடிகர் (இ. 1985)
• 1943 – நாஞ்சில் நாரண. தொல்காப்பியன், தமிழக எழுத்தாளர்
• 1945 – உ. ரா. வரதராசன், இந்திய இடதுசாரி அரசியல்வாதி (இ. 2010)
• 1947 – ஓ. ஜே. சிம்சன், அமெரிக்க நடிகர்
• 1950 – விக்டர் யானுக்கோவிச், உக்ரைனின் 4வது அரசுத்தலைவர்
• 1953 – உடப்பூர் வீரசொக்கன், ஈழத்து எழுத்தாளர்
• 1956 – டொம் ஹாங்க்ஸ், அமெரிக்க நடிகர், இயக்குநர்
• 1966 – பி. உன்னிகிருஷ்ணன், இந்தியத் திரைப்பட, கருநாடக இசைப் பாடகர்
• 1970 – அனுராதா ஸ்ரீராம், தென்னிந்தியப் பாடகி
• 1992 – டக்ளஸ் பூத், ஆங்கிலேய நடிகர்

• 1746 – எசுப்பானியாவின் ஐந்தாம் பிலிப்பு (பி. 1683)
• 1850 – சக்கரி தைலர், அமெரிக்காவின் 12வது அரசுத்தலைவர் (பி. 1784)
• 1856 – அமேடியோ அவகாதரோ, இத்தாலிய வேதியியலாளர் (பி. 1776)
• 1909 – ரிப்பன் பிரபு, பிரித்தானிய அரசியல்வாதி (பி. 1827)
• 1922 – அலன் ஆபிரகாம், இலங்கைத் தமிழ்க் கல்விமான், வானியலாளர் (பி. 1865)
• 1965 – லூயி ஹெரால்டு கிரே, பிரித்தானிய இயற்பிலாளர் (பி. 1905)
• 1977 – மகாதேவன் சதாசிவம், இலங்கைத் துடுப்பாட்ட வீரர் (பி. 1915)
• 1980 – வினிசியசு டி மோரேசு, பிரேசில் கவிஞர், இசையமைப்பாளர் (பி. 1913)
• 1997 – சி. ராமசாமி, இந்தியத் தொழிலதிபர், அரசியல்வாதி (பி. 1905)
• 1997 – பி. எஸ். சீனிவாசன், கேரள அரசியல்வாதி (பி. 1923)
• 2005 – ம. க. அ. அந்தனிசில், ஈழத்து எழுத்தாளர், பத்திரிகையாளர், அரசியல்வாதி
• 2009 – சி. ஆர். கண்ணன், தமிழக எழுத்தாளர்
• 2024 – மேக்சின் சிங்கர், அமெரிக்க மூலக்கூற்று உயிரியலாளர் (பி. 1931)

• மர நாள் (கம்போடியா)
• அரசியலமைப்பு நாள் (ஆத்திரேலியா, பலாவு)
• விடுதலை நாள் (அர்கெந்தீனா)
• விடுதலை நாள் (தெற்கு சூடான், சூடானிடம் இருந்து 2011)

விக்கிமீடியா பொதுவகத்தில்,
சூலை 9
என்பதில் ஊடகங்கள் உள்ளன.

• பிபிசி: இன்றைய நாளில்
• நியூயார்க் டைம்சு: இன்றைய நாளில்
• சூலை 9 வரலாற்று நிகழ்வுகள், OnThisDay.com