அம்பை - 3 ASD 3
வேளாண் பெயர்
வீதி விடங்கன்
பேரினம்
ஒரய்சா
இனம்
ஒரய்சா சாட்டிவா
கலப்பினம்
நல் விதைத் தேர்வு முறை
வகை
புதிய நெல் வகை
காலம்
130 - 135 நாட்கள்
மகசூல்
3000 கிலோ எக்டேர்
வெளியீடு
1944
வெளியீட்டு நிறுவனம்
TNAU, அம்பாசமுத்திரம்
மாநிலம்
தமிழ் நாடு
நாடு
இந்தியா

அம்பை - 3 (ASD 3) பிரபலமாக வீதி விடங்கன் (Veedhividangan) எனப்படும் இந்த நெல் வகை, நல் விதைத் தேர்வு (Pureline) முறையில் உருவாக்கப்பட்ட தமிழ்நாட்டின் நெல் வகையாகும்.^[1]

தமிழக நெல்லை மாவட்டத்தின், அம்பையில் அமைந்துள்ள தமிழ்நாடு நெல் ஆராய்ச்சி நிறுவனம் (Rice Research Station, Ambasamudram),^[2] 1944 ஆம் ஆண்டு, இவ்வகை நெல்லை வெளியிடப்பட்டதாக அறியப்படுகிறது.^[1]

மத்தியகால நெற்பயிர்களில் ஒன்றான இது, 135 நாட்களில் அறுவடைக்கு வரக்கூடியதாக கருதப்படுகிறது.^[1] இதுபோன்ற நடு கால நெற்பயிர்கள், முன் சம்பா, சம்பா, பின்சம்பா, தாளடி / பிசாணம், மற்றும் பின் பிசாணம் போன்ற பட்டங்கள் (பருவங்கள்) ஏற்றதாக கூறப்படுகிறது.^[3]

நீர்ப்பாசன வசதியுள்ள, தமிழகத்தின் அனைத்து மாவட்டங்களிலும், சாகுபடி செய்ய உகந்தப் பகுதியாக கூறப்படும் அம்பை - 3 நெல் வகை, புதுச்சேரி ஒன்றியப் பகுதியிலும் சாகுபடி செய்ய பரிந்துரைக்கப்படுகிறது.^[2]

• இந்த நெல் இரகம், ஒரு ஏக்கருக்கு 3000 கிலோவரை (3.0 t/ha) மகசூல் தரக்கூடியது.
• இதன் நெற்பயிர், முதிர்ந்த காலங்களில் நெற்கதிர்கள் சாய்வதில்லை. மேலும் இந்நெல் வகை, வறட்சியைத் தாங்கி வளரக்கூடியது.
• இந்நேல்லின் அரிசி, சிவப்பு நிறத்தில் குட்டையான தடித்த வடிவில் உள்ளது.^[1][2]

• பாரம்பரிய நெல்
• இயற்கை வேளாண்மை
• வேளாண்மை