ଇଂରାଜୀ ଲିଙ୍କ

https://or.wikipedia.org/wiki/A._C._Bhaktivedanta_Swami_Prabhupada

ଅଭୟ ଚରଣାରବିନ୍ଦ ଭକ୍ତିବେଦାନ୍ତ ସ୍ୱାମୀ ପ୍ରଭୁପାଦ
In Devanagari	अभय चरणारविन्द भक्तिवेदान्त स्वामी प्रभुपाद
ଅନ୍ୟାନ୍ୟ name(s)	ଅଭୟ ଚରଣାରବିନ୍ଦ, ଅଭୟ ଚରଣ ଦେ, ପ୍ରଭୁପାଦ
ବ୍ୟକ୍ତିଗତ
ଜାତୀୟତା	ଭାରତୀୟ
ଜନ୍ମ	ଅଭୟ ଚରଣ ଦେ (1896-09-01)୧ ସେପ୍ଟେମ୍ବର ୧୮୯୬ କଲିକତା
ମୃତ୍ୟୁ	୧୪ ନଭେମ୍ବର ୧୯୭୭(1977-11-14) (ବୟସ ୮୧) ବୃନ୍ଦାବନ, ଭାରତ
ସମାଧି	ଭକ୍ତିବେଦାନ୍ତ ସ୍ୱାମୀଙ୍କ ସମାଧି, ବୃନ୍ଦାବନ
Senior posting
ଅବସ୍ଥାପିତ	ବୃନ୍ଦାବନ, ଭାରତ
ଉପାଧି	ଇସ୍କନର ସଂସ୍ଥାପକ ଆଚାର୍ଯ୍ୟ
Period in office	୧୯୬୬-୧୯୭୭
ପୂର୍ବ	ଭକ୍ତିସିଦ୍ଧାନ୍ତ ସରସ୍ୱତୀ ଠାକୁର
ଧାର୍ମିକ ବୃତ୍ତି
Initiation	ଦୀକ୍ଷା–1932, ସନ୍ନ୍ୟାସ–1959
Post	ଗୁରୁ, ସନ୍ନ୍ୟାସୀ, ସଂସ୍ଥାପକ- ଆଚାର୍ଯ୍ୟ
ୱେବସାଇଟ	Official Website of ISKCON Official website of Prabhupada

ଅଭୟ ଚରଣାରବିନ୍ଦ ଭକ୍ତିବେଦାନ୍ତ ସ୍ୱାମୀ ପ୍ରଭୁପାଦ (୦୧ ସେପ୍ଟେମ୍ବର ୧୮୯୬ – ୧୪ ନଭେମ୍ବର ୧୯୭୭) ଜଣେ ଗୌଡ଼ୀୟ ବୈଷ୍ଣବ ଧର୍ମଗୁରୁ ତଥା ଇସ୍କନର ପ୍ରତିଷ୍ଠାତା ଥିଲେ ।^[୧] ଇସ୍କନର ସଦସ୍ୟମାନେ ଭକ୍ତିବେଦନ୍ତ ସ୍ୱାମୀଙ୍କୁ ଚୈତନ୍ୟଙ୍କ ପ୍ରତିନିଧି ଓ ଦୂତ ମନେକରନ୍ତି ।^[୨]

ସେ ଆଫ୍ରିକୀୟ-ଆମେରିକୀୟ ଲୋକଙ୍କ ବିରୋଧରେ ତାଙ୍କର ବର୍ଣ୍ଣବାଦୀ ମତ, ପ୍ରତାଡ଼ିତ ଜାତି ବିରୋଧୀ ଭେଦଭାବ, ଇହୁଦୀ-ବିରୋଧୀ ମତ, ମହିଳାମାନଙ୍କ ପ୍ରତି ଦ୍ୱେଷ ଏବଂ ଆଡଲ୍ଫ ହିଟଲରଙ୍କ ଅପରାଧକୁ ସମର୍ଥନ କରିବା ପାଇଁ ସମାଲୋଚନାର ଶିକାର ହୋଇଛନ୍ତି ।^{[୩][୪][୫]}

ସେପ୍ଟେମ୍ବର ୧, ୧୮୯୬ରେ କଲିକତାରେ ଜନ୍ମିତ ଏହି ଧର୍ମଗୁରୁଙ୍କର ପିତୃମାତୃଦତ୍ତ ନାମ ଥିଲା ଅଭୟ ଚରଣ ଦେ ।^[୬] ପ୍ରଭୁପାଦ ସ୍ୱାମୀଙ୍କ ପିତା ଗୌର ମୋହନ ଦେ ଓ ମାତା ରଜନୀ ଦେ ଉଭୟ ବୈଷ୍ଣବ ଥିଲେ । କମ୍ ବୟସରୁ ଅଭୟ କୃଷ୍ଣ ଆରାଧନା କରିବାକୁ ଭଲ ପାଉଥିଲେ । ନନ୍ଦୋତ୍ସବ ଦିନ ଜନ୍ମିତ ହୋଇଥିବାରୁ ବାପା ମାଁ ତାଙ୍କୁ ଶ୍ରଦ୍ଧାରେ ନନ୍ଦଦୁଲାଲ ନାମରେ ଡାକୁଥିଲେ । ନନ୍ଦଦୁଲାଲ ସାଥି ପିଲାଙ୍କ ସହ ଖେଳନା ରଥରେ ରଥଯାତ୍ରା ପାଳନ କରିବା ତଥା ସାଙ୍ଗ ମେଳରେ ସଂକୀର୍ତ୍ତନ ଓ ରାଧାକୃଷ୍ଣଙ୍କ ଯୁଗଳ ମୂର୍ତ୍ତି ଦର୍ଶନ କରିବା ଭଲ ପାଉଥିଲେ ।^[୭]

କଲିକତାର ପ୍ରଖ୍ୟାତ ସ୍କଟିସ ଚର୍ଚ୍ଚ କଲେଜରେ ଶିକ୍ଷା ଲାଭ କରି ସେ ୧୯୨୦ ମସିହାରେ ଇଂରାଜୀ, ଅର୍ଥନୀତି ଏବଂ ଦର୍ଶନ ଶାସ୍ତ୍ରରେ ସ୍ନାତକ ଡିଗ୍ରୀ ହାସଲ କଲେ । ତତ୍କାଳୀନ ସମୟରେ ସ୍କଟିସ ଚର୍ଚ୍ଚ କଲେଜର ଅଧ୍ୟାପକ ବୃନ୍ଦ ଧାର୍ମିକ ଏବଂ ଶାନ୍ତ ସ୍ୱଭାବ ପାଇଁ ବେଶ ପରିଚିତ ଥିଲେ ଏବଂ କଲେଜର ଶିକ୍ଷାଦାନ ବ୍ୟବସ୍ଥା ଉତ୍ତମ ଥିଲା । କଲେଜ ପଢୁଥିବା ବେଳେ ଅଭୟ ଇଂରାଜୀ ସୋସାଇଟି ଏବଂ ସଂସ୍କୃତ ସୋସାଇଟିରେ ସଭ୍ୟ ଥିଲେ । ଅତଏବ କୁହାଯାଏ, ଏଭଳି ପରିବେଶ ପରବର୍ତ୍ତୀ ସମୟରେ ତାଙ୍କୁ ଧର୍ମଗୁରୁ ଭାବେ ନେତୃତ୍ୱ ନେବାର ଯୋଗ୍ୟତା ଅର୍ଜ୍ଜନ କରିବାରେ ସହାୟତା କରିଥିଲା । ୧୯୧୮ ମସିହାରେ ସେ ବିବାହ କରି ସାଂସାରିକ ଜୀବନ ଆରମ୍ଭ କରିଥିଲେ । କିଛିଦିନପାଇଁ ଡିପ୍ଲୋମା ପାଠ ଛାଡି ଗାନ୍ଧୀଙ୍କ ନେତୃତ୍ୱରେ ଭାରତର ସ୍ୱାଧୀନତା ଆନ୍ଦୋଳନରେ ଭାଗ ନେବା ପାଇଁ ସେ ଆଗେଇ ଆସିଥିଲେ । ସେ ମନେ କରିଥିଲେ, ଭାରତ ସ୍ୱାଧୀନ ହେବାପରେ ବେଦାନ୍ତର ବାର୍ତ୍ତା ପାଶ୍ଚାତ୍ୟରେ ପ୍ରଚାର କରିବା ଉଚିତ ହେବ ।

୧୯୨୨ମସିହାରେ ତାଙ୍କୁ ଯେତେବେଳେ ୨୬ବର୍ଷ ବୟସ, ଗୌଡ଼ୀୟ ମଠର ସଂସ୍ଥାପକ ତଥା ପ୍ରଖ୍ୟାତ ବିଦ୍ୱାନ ଶ୍ରୀଲ ଭକ୍ତିସିଦ୍ଧାନ୍ତ ସରସ୍ୱତୀ ଗୋସ୍ୱାମୀଙ୍କ ସହ ତାଙ୍କର ଦେଖା ହୁଏ । ପରବର୍ତ୍ତୀ ସମୟରେ ଅଭୟ ତାଙ୍କରି ଶିଷ୍ୟତ୍ୱ ଗ୍ରହଣ କରିଥିଲେ ।^[୮] ଗୁରୁଙ୍କ ଆଦେଶ ଥିଲା ସେ ପ୍ରଥମେ ପାଶ୍ଚାତ୍ୟରେ ପ୍ରଭୁ ଚୈତନ୍ୟଙ୍କ ବାଣୀର ପ୍ରଚାର କରନ୍ତୁ ।^[୯] ଗୁରୁଙ୍କ ଆଦେଶ ପ୍ରକାରେ ଶ୍ରୀଲ ପ୍ରଭୁପାଦ ଭଗବତ ଗୀତାର ଏକ ଇଂରାଜୀ ଟୀକା ପ୍ରଣୟନ କଲେ । ପରେ ପରେ ଅର୍ଥାତ୍, ୧୯୪୪ରେ ସେ "back to Godhead" ନାମକ ଏକ ଇଂରାଜୀ ପାକ୍ଷିକ ପତ୍ରିକାର ପ୍ରକାଶନ କଲେ । ଶ୍ରୀ ଚୈତନ୍ୟ ମହାପ୍ରଭୁଙ୍କ ଦର୍ଶନ ଏବଂ କୃଷ୍ଣଭକ୍ତିର ପ୍ରଚାର ନିମିତ୍ତ ଉକ୍ତ ପତ୍ରିକାର ଲେଖା, ସଂପାଦନା, ପତ୍ରିକା ଡିଜାଇନ, ସଂଶୋଧନ, ବିତରଣ ତଥା ପ୍ରକାଶନ ଏ ସମସ୍ତ ଦାୟିତ୍ୱ ସେ ନିଜେ ବହନ କରିଥିଲେ । ପତ୍ରିକାର ପ୍ରଥମ ସଂସ୍କରଣରେ ସେ ଲେଖିଥିଲେ:

୧୯୩୬ ମସିହାରୁ ଏ ଯାବତ୍ କୌଣସି ସମ୍ବଳ କିମ୍ବା ପ୍ରୋତ୍ସାହନ ବିନା ଏହି ଦୁଃସାହସିକ ଅଭିଯାନର ପ୍ରାରମ୍ଭ କରିବା କେବଳ ମୋର କଳ୍ପନା ଥିଲା, ତେବେ ଏ ଦିଗରେ କେହି ନିରୁତ୍ସାହିତ ନ କରିବାରୁ ମୁଁ ଏ ଅଭିଯାନର ଶୁଭାରମ୍ଭ କରୁଛି ।।

A. C. Bhaktivedanta Swami|Back to Godhead magazine (Vol.1, 1–4, 1944)

ଶ୍ରୀଲ ପ୍ରଭୁପାଦଙ୍କ ଭକ୍ତି ତଥା ଦର୍ଶନ ଶାସ୍ତ୍ରରେ ବ୍ୟୁତ୍ପତ୍ତିକୁ ସମ୍ମାନ ଜଣାଇ ଗୌଡ଼ୀୟ ବୈଷ୍ଣବ ସମାଜ ତାଙ୍କୁ ୧୯୪୭ ମସିହାରେ ଭକ୍ତିବେଦାନ୍ତ ଉପାଧିରେ ସମ୍ବର୍ଦ୍ଧିତ କରିଥିଲେ ।^[୧୦] ତେବେ ପରବର୍ତ୍ତୀ ସମୟରେ ଅର୍ଥାତ୍ ୧୯୬୭ ମସିହା ବେଳକୁ ତାଙ୍କରି ଶିଷ୍ୟଗଣ ତାଙ୍କୁ ସମ୍ମାନସୂଚକ ପ୍ରଭୁପାଦ (ଅର୍ଥାତ୍, ପ୍ରଭୁଙ୍କ ଚରଣାଶ୍ରିତ) ନାମରେ ପରିଚିତ କରାଇଲେ । ୧୯୫୦ ମସିହାରେ, ୫୪ ବର୍ଷ ବୟସରେ ସେ ବିବାହିତ ଜୀବନରୁ ଦୁରେଇ ଗଲେ ଏବଂ ଠିକ ଚାରିବର୍ଷ ପରେ ବାନପ୍ରସ୍ଥ ଗ୍ରହଣ କଲେ । ବୃନ୍ଦାବନସ୍ଥିତ ରାଧାଦାମୋଦର ମନ୍ଦିରରେ ରହି ବେଦାନ୍ତ ଦର୍ଶନ ଓ ଶ୍ରୀମଦ୍ ଭାଗବତମ୍ ଉପରେ ତାଙ୍କରି ଲେଖା ଓ ଅଧ୍ୟୟନ ଜାରି ରଖିଲେ ।

୧୯୬୫ରେ, ୭୦ ବର୍ଷ ବୟସରେ ଶ୍ରୀଲ ପ୍ରଭୁପାଦ ଗୁରୁଙ୍କ ଆଦେଶ ଅନୁସାରେ ଆମେରିକା ଯାତ୍ରା କଲେ । ଜଳଦୂତ ନାମକ ଜାହାଜରେ ଚାଳିଶ ଦିନର ଯାତ୍ରା କରି ଶେଷରେ ସେ ନିୟୁୟର୍କ ନଗରରେ ପହଞ୍ଚିଲେ । ନିୟୁୟର୍କରେ ପ୍ରାରମ୍ଭିକ ସମୟରେ ସେ ସଂକୀର୍ତ୍ତନ ଏବଂ ଭଗବତ ଗୀତା ସମ୍ପର୍କିତ ଶିକ୍ଷାଦାନ ଜାରି ରଖିଲେ । ବିଭିନ୍ନବର୍ଗର ଅନେକ ବିଦେଶୀ ଯୁବକ ତାଙ୍କର ଶିଷ୍ୱତ୍ୱ ଗ୍ରହଣ କରିଥିଲେ । ପରେ ୧୯୬୬ ମସିହା ଜୁଲାଇରେ ତାଙ୍କ ପ୍ରଚେଷ୍ଟା ଏବଂ ଶିଷ୍ୟଗଣଙ୍କ ସହଯୋଗରେ ସେଠାରେ ଇସ୍କନ ପ୍ରତିଷ୍ଠା ଲାଭ କଲା ।^[୧୧] ଆନ୍ତର୍ଜାତିକ କୃଷ୍ଣଚେତନା ସଙ୍ଘ ବା "International Society for Krishna Consciousness" (ISKCON) ବା ଇସ୍କନ ଏକ ଗୌଡ଼ୀୟ ବୈଷ୍ଣବ ଧାର୍ମିକ ସଙ୍ଗଠନ । ଏହା ହରେକୃଷ୍ଣ ଆନ୍ଦୋଳନ ନାମରେ ମଧ୍ୟ ଖ୍ୟାତ ।^[୧୨]ଗୀତାରେ ବର୍ଣ୍ଣିତ ଭକ୍ତିଯୋଗର ପ୍ରାଧାନ୍ୟକୁ ପ୍ରଚାର କରିବା ଏବଂ ଅଦ୍ୱୈତବାଦର ପ୍ରତିଷ୍ଠା ଏହି ପ୍ରତିଷ୍ଠାନର ଅନ୍ୟତମ ଲକ୍ଷ୍ୟ ।^[୧୩] ଆମେରିକାରେ ତାଙ୍କ ଶିଷ୍ୟଗଣଙ୍କ ସଂଖ୍ୟା ବୃଦ୍ଧି ପାଇବା ସହ ନିୟୁୟର୍କରେ ଏକ ମନ୍ଦିର ଏବଂ ପରେ ୧୯୬୭ରେ ସାନ୍‌ ଫ୍ରାନ୍ସିସକୋ ନଗରରେ ଏକ କେନ୍ଦ୍ରର ପ୍ରତିଷ୍ଠା ହେଲା । ଏହିଠାରୁ ପ୍ରଭୁପାଦ ଆମେରିକାର ବିଭିନ୍ନ ସ୍ଥାନ ଭ୍ରମଣ କରି ସଂକୀର୍ତ୍ତନ, ବହି ବିତରଣ ତଥା ସର୍ବସାଧାରଣ ସ୍ଥଳରେ ଧାର୍ମିକ ବକ୍ତୃତାଦ୍ୱାରା ଗୌଡ଼ୀୟ ବୈଷ୍ଣ୍ଣବ ଧର୍ମର ପ୍ରଚାର କରିବା ଆରମ୍ଭ କରିଥିଲେ । ଆମେରିକାରେ ପହଞ୍ଚିବାର ପ୍ରଥମ ବାର ବର୍ଷ ମଧ୍ୟରେ ପ୍ରଭୁପାଦ ତାଙ୍କ ଲକ୍ଷ୍ୟ ପୂରଣ ଦିଗରେ ସଫଳତା ଲାଭ କରିଥିଲେ ।

• ଛଅଟି ମହାଦେଶର ବିଭିନ୍ନ ସହର ପ୍ରାୟ ଚଉଦ ଥର ପରିଭ୍ରମଣ କରି ସେ ଧାର୍ମିକ ବକ୍ତୃତା ପ୍ରଦାନ କରିଥିଲେ ।
• ଅନେକ ଶିଷ୍ୟ ଗ୍ରହଣ କରି ସନ୍ନ୍ୟାସ ଦିକ୍ଷୀତ କରାଇଥିଲେ
• ପାଶ୍ଚାତ୍ୟରେ ବୈଦିକ ଗୁରୁକୁଳ ପ୍ରଥାର ପ୍ରଚାର ତଥା ପ୍ରସାର କରାଇପାରିଥିଲେ
• ଭକ୍ତିବେଦାନ୍ତ କୁକ୍ ଟ୍ରଷ୍ଟ ପ୍ରତିଷ୍ଠାର ମୂଳଦୁଆ ପକାଇଥିଲେ^{[୧୪][୧୫]}
• ନିଉ ଭର୍ଜିନିଆରେ ଧାର୍ମିକ କଲୋନୀ ନୂତନ ବୃନ୍ଦାବନର ପ୍ରତିଷ୍ଠା^[୧୬]
• ବେଦାନ୍ତ ତଥା ଦର୍ଶନ ସଂପର୍କିତ ଅଶୀରୁ ଅଧିକ ବହିର ରଚନା କରିଥିଲେ
• ପାଶ୍ଚାତ୍ୟରେ ଜଗନ୍ନାଥ ସଂସ୍କୃତିର ପ୍ରଚାର ତଥା ରଥଯାତ୍ରାର ପ୍ରଚଳନ କରାଇଥିଲେ
• ଇସ୍କନ ମାଧ୍ୟମରେ ପାଶ୍ଚାତ୍ୟରେ ଭକ୍ତିଯୋଗର ସଫଳ ପ୍ରଚାର ତଥା ପ୍ରସାର କରିପାରିଥିଲେ

ସ୍ୱାମୀ କହିଥିଲେ ଯେ ଆଫ୍ରିକୀୟ-ଆମେରିକୀୟ ଲୋକମାନେ ଦାସପ୍ରଥା ଭିତରେ ରହିବା ଉଚିତ୍ ।

"କଳାମାନେ ଦାସ ଥିଲେ । ସେମାନେ ନିୟନ୍ତ୍ରଣରେ ଥିଲେ । ଏବଂ ଯେହେତୁ ସେମାନଙ୍କୁ ସମାନ ଅଧିକାର ଦେଇଛ, ସେମାନେ ବିଚଳିତ, ସବୁଠାରୁ ଅଶାନ୍ତ, ସର୍ବଦା ଏକ ଭୟଙ୍କର ପରିସ୍ଥିତି ସୃଷ୍ଟି କରୁଛନ୍ତି, ଅସଂସ୍କୃତ ଏବଂ ମଦ୍ୟପ ହୋଇରହିଛନ୍ତି । ସେମାନଙ୍କୁ କ'ଣ ପ୍ରଶିକ୍ଷଣ ମିଳିଛି? ସେମାନଙ୍କୁ ସମାନ ଅଧିକାର ମିଳିଛି କି? ସେମାନଙ୍କୁ ଦାସ ଭାବରେ ନିୟନ୍ତ୍ରଣରେ ରଖିବା ଭଲ କିନ୍ତୁ ସେମାନଙ୍କୁ ପର୍ଯ୍ୟାପ୍ତ ଖାଦ୍ୟ, ପର୍ଯ୍ୟାପ୍ତ କପଡ଼ା ଦେବା ବ୍ୟତୀତ ଅଧିକ ଦେବା କଥା ନୁହେଁ । ତା'ହେଲେ ସେମାନେ ସନ୍ତୁଷ୍ଟ ହେବେ ।^[୧୭]

ନାରୀମାନଙ୍କ ବିଷୟରେ ସ୍ୱାମୀଙ୍କ ରଚନା ଅଧିକାଂଶ ଭାବେ ନାରୀ-ଦ୍ୱେଷ ବୋଲି ବିବେଚନା କରାଯାଏ । ତାଙ୍କର କିଛି ମତ ହେଉଛି:

"ସାଧାରଣତଃ ମହିଳାମାନଙ୍କୁ ବିଶ୍ୱାସ କରିବା ଉଚିତ ନୁହେଁ ।^[୩][୪]

"ମହିଳାମାନେ ସାଧାରଣତଃ ବେଶୀ ବୁଦ୍ଧିମତୀ ନୁହନ୍ତି ।"^[୩]

"ସାଧାରଣତଃ ଜଣେ ମହିଳାଙ୍କୁ ପୁରୁଷ ଜଣେ ଆକ୍ରମଣ କଲେ — ତାଙ୍କ ସ୍ୱାମୀ କିମ୍ବା ଅନ୍ୟ କୌଣସି ପୁରୁଷ — ସେ ଅତ୍ୟଧିକ କାମାତୁର ହୋଇ ସେ ଆକ୍ରମଣକୁ ଉପଭୋଗ କରନ୍ତି ।"^[୩]

ଇସ୍କନର ପ୍ରତିଷ୍ଠାତା ଶ୍ରୀଲ ଭକ୍ତିବେଦାନ୍ତ ସ୍ୱାମୀ ତାଙ୍କରି ଲେଖା ଏବଂ ଶ୍ରୀମଦ୍ ଭଗବତ ଗୀତା, ଚୈତନ୍ୟ ଚରିତାମୃତ ଭଳି ଗ୍ରନ୍ଥର ଅନୁବାଦ ମାଧ୍ୟମରେ ପାଶ୍ଚାତ୍ୟରେ ଗୌଡ଼ୀୟ ବୈଷ୍ଣବ ମତବାଦର ବହୂଳ ପ୍ରଚାର କରିଛନ୍ତି । ତାଙ୍କ ପ୍ରକାଶିତ ବହିଗୁଡିକୁ ତାଙ୍କରି ଅନବଦ୍ୟ ଅବଦାନ ବୋଲି କୁହାଯାଇପାରେ । ସେ ଭଗବତ ଗୀତା ସମେତ ବେଦ, ବେଦାନ୍ତ ଓ ଭକ୍ତି ସଂପର୍କିତ ଅଶୀରୁ ଅଧିକ ବହିର ଅନୁବାଦ ତଥା ଟୀକା ପ୍ରସ୍ତୁତ କରିଛନ୍ତି ।^[୧୩] ତାଙ୍କ ପ୍ରକାଶିତ Bhagavad-gita As It Is, ତିରିଶ ଭାଗରେ ପ୍ରକାଶିତ Srimad-Bhagavatam ଏବଂ ସତର ଭାଗରେ ପ୍ରକାଶିତ Sri Chaitanya-charitamrita ଗୋଟିଏ ଗୋଟିଏ କାଳଜୟୀ ରଚନା । ତାଙ୍କରି ବହିସବୁର ପ୍ରକାଶନ ନିମିତ୍ତ ୧୯୭୨ ମସିହାରେ ଭକ୍ତିବେଦାନ୍ତ ବୁକ୍ ଟ୍ରଷ୍ଟ ପ୍ରତିଷ୍ଠିତ ହେଲା । ବର୍ତ୍ତମାନ ଏହି ସବୁ ଗ୍ରନ୍ଥର ଅନୁବାଦ ଛଅସ୍ତରୀରୁ ଅଧିକ ଭାଷାରେ ଉପଲବ୍ଧ । ଏସବୁ ଇସ୍କନର ପବିତ୍ର ଗ୍ରନ୍ଥ ରୂପେ ବିବେଚିତ ।

• Bhagavad-Gītā As It Is (1968) ISBN 0-89213-134-9
• Isha Upanishad|Śrī Īśopaniṣad (1969) ISBN 0-89213-280-9
• Bhagavata Purana|Śrīmad-Bhāgavatam (1972–77) ISBN 84-86883-07-5 (Vols.)
• Chaitanya Charitamrita|Caitanya-caritāmṛta (1974) ISBN 0-912776-50-1 (Vols.)
• Rupa Goswami|The Nectar of Instruction (1975) ISBN 0-912776-85-4

ଶ୍ରୀଲ ପ୍ରଭୁପାଦଙ୍କ ଜୀବନକାଳ ମଧ୍ୟରେ ପ୍ରକାଶିତ ଅନ୍ୟାନ୍ୟ ବହିମାନଙ୍କର ଏକ ଅସମ୍ପୂର୍ଣ୍ଣ ତାଲିକା:

• Easy Journey to Other Planets (1970)
• Kṛṣṇa Consciousness: The Topmost Yoga System (1970)
• Beyond Birth and Death (1972)
• The Perfection of Yoga (1972)
• Kṛṣṇa, the Reservoir of Pleasure (1972)
• On the Way to Kṛṣṇa (1973)
• Rāja-vidyā: The King of Knowledge (1973)
• Elevation to Kṛṣṇa Consciousness (1973)
• Kṛṣṇa Consciousness: The Matchless Gift (1974)
• Perfect Questions, Perfect Answers (1977)
• Teachings of Maharshi Kapila, the Son of Devahūtī

• Light of the Bhāgavata (1978)
• Teachings of Queen କୁନ୍ତୀ (1978) ISBN 0-89213-102-0
• Life comes from life (1978) ISBN 0-89213-100-4
• Search for liberation (1981)
• Chant and be happy (1982) ISBN 0-89213-118-7
• Coming back : the science of reincarnation (1982) ISBN 0-89213-114-4
• Dialectic spiritualism (1985)
• Path of perfection (1989) ISBN 0-89213-103-9
• Narada Bhakti Sutra (1991) ISBN 0-89213-273-6
• Mukunda-mālā-stotra (1989) ISBN 0-89213-275-2
• The Hare Krsna challenge (1990)
• A second chance (1991)
• The journey of self discovery (1991)
• Laws of nature : an infallible justice (1991) ISBN 0-89213-272-8
• Renunciation Through Wisdom (1992)
• Quest for Enlightenment (1993)
• The Nectar of Book Distribution (1993)
• The Path of Yoga (1995)
• Message of Godhead (1996?)
• Civilization and Transcendence (1998) ISBN 0-89213-298-1
• Dharma: The Way of Transcendence (1998)
• Srila Prabhupada Slokas (1998)
• Beyond Illusion and Doubt (1999)
• Introduction to Bhagavad-gītā (2005)
• A Shower of Divine Compassion (2008)
• Collected Lectures on Bhagavad-gita As It Is (7 volumes)
• Collected Lectures on Srimad-Bhagavatam (11 volumes)
• Collected Teachings of A.C.Bhaktivedanta Swami (7 volumes)
• Conversations with Srila Prabhupada (37 volumes)
• Srila Prabhupada Siksamrta (3 volumes)
• Srila Prabhupada's Letters (5 volumes)
• The Pioneer Years: Back to Godhead, 1944–1960
• The Jaladuta Diary
• The Spiritual Master and the Disciple
• The Beginning-The 1966 New York Journal
• Sri Namamrta-The Nectar of the Holy Name
• Srila Prabhupada's original League of Devotees 'Srimad Bhagwatam' reprint

• Geetār-gan
• Vairāgya-vidyā
• Buddhi-yoga
• Bhakti-ratna-boli

• ଇସ୍କନ
• "Gaudiya Vaishnavism"