ഇംഗ്ലീഷ് വിലാസം

https://ml.wikipedia.org/wiki/A._R._Antulay

കോൺഗ്രസ് നേതാവും മഹാരാഷ്ട്ര മുൻ മുഖ്യമന്ത്രിയുമായിരുന്നു ഏ.ആർ. ആന്തുലെ എന്ന അബ്ദുൾ റഹ്മാൻ ആന്തുലെ (9 ഫെബ്രുവരി 1929 – 2 ഡിസംബർ 2014).

അദ്ദേഹം‌‌‌‌ ഹാഫിസ് അബ്ദുൾ‌‌‌‌‌‌ ഗഫൂറിന്റെയും‌‌‌‌ സൊഹ്രാബിയുടേയും‌‌‌‌ മകനായി മഹാരാഷ്ട്രയിലെ റായ്ഗഡ് ജില്ലയിൽ‌‌‌‌ ജനിച്ചു. . എം.എൽ.എ., എം.പി., സംസ്ഥാനമന്ത്രി, മുഖ്യമന്ത്രി, കേന്ദ്രമന്ത്രി എന്നീ നിലകളിൽ പ്രവർത്തിച്ചു. മഹാരാഷ്ട്ര മുഖ്യമന്ത്രിപദം വഹിച്ച ഏക മുസ്ലിം വിഭാഗക്കാരനാണ്. 1980 ജൂൺ മുതൽ 1982 ജനവരിവരെയാണ് മുഖ്യമന്ത്രിയായിരുന്നത്.

മഹാരാഷ്ട്ര നിയമസഭയിൽ 1962 മുതൽ '76 വരെ അംഗമായിരുന്നു. ഈ കാലയളവിൽ വിവിധ വകുപ്പുകളിൽ മന്ത്രിയായി. 1976 മുതൽ '80 വരെ രാജ്യസഭാംഗമായി. 1980-ൽ വീണ്ടും നിയമസഭാംഗം. '89 വരെ എം.എൽ.എ.യായി തുടർന്നു. പിന്നീട് രണ്ടുതവണ വീണ്ടും എം.പി.യായി. 1995 ജൂൺ മുതൽ '96 മെയ് വരെ കേന്ദ്ര ആരോഗ്യമന്ത്രി. 2004-ൽ മൻമോഹൻസിങ് മന്ത്രിസഭയിൽ ന്യൂനപക്ഷക്ഷേമ മന്ത്രിയായി.

ഇന്ദിരാഗാന്ധിയുടെ വിശ്വസ്തനായി അറിയപ്പെട്ട ആന്തുലെ സിമന്റ് കുംഭകോണത്തിൽപ്പെട്ട് അദ്ദേഹത്തിന് സ്ഥാനം രാജിവെക്കേണ്ടിവന്നു.

ഭാര്യ : നർ‌‌ഗീസ് ആന്തുലേ

• പാർലമെന്ററി പ്രിവിലേജ്
• മഹാജൻ - അവാർഡ്;
• അപ്പോയിന്റ്മെന്റ് ഓഫ് എ ചീഫ് ജസ്റ്റീസ്;
• ഡെമോക്രസി പാർലമെന്ററി ഓർ പ്രസിഡൻഷ്യൽ?

ഇന്ത്യൻ രാഷ്ട്രീയപ്രവർത്തകരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.