ევროპის საფეხბურთო ჩემპიონატი 2012 (ევრო 2012) — უეფას მიერ ჩატარებული რიგით მე–14 საფეხბურთო ჩემპიონატი, რომელსაც უმასპინძლებენ უკრაინა და პოლონეთი 8 ივნისიდან 1 ივლისამდე. ორივე ქვეყანა პირველად მასპინძლობს ევროპის ჩემპიონატს.

დონეცკისა და ხარკივის გარდა ყველა მასპინძელი ქალაქი ტურისტებისთვის პოპულარული ადგილია (ხარკოვმა 2009 წლის სექტემბერში დნეპროპეტროვსკი ჩაანაცვლა). მასპინძლობისათვის აუცილებელია გზებისა და ტრანსპორტის ხაზების მოდერნიზაცია.

საფეხბურთო ინფრასტრუქტურის გასაუმჯობესებლად საჭიროა სტადიონების აშენება: რვიდან ექვსი სტადიონი აკმაყოფილებს საერთაშორისო მოთხოვნებს, ხოლო ორში (პოზნანი და ხარკივი) დიდი სარეკონსტრუქციო სამუშაოები ტარდება. რვიდან სამი სტადიონი მიიღებს უეფა-სგან უმაღლესი კატეგორიის სტატუსს.

1992, 1996 და 2008 წლის ევროპის ჩემპიონატების მსაგვსად ერთი ჯგუფის თამაშები ორ სტადიონზე გაიმართება.

პოლონეთი
ვარშავა	გდანსკი	ვროცლავი	პოზნანი
ეროვნული სტადიონი აშენდა ტურნირისათვის ტევადობა: 58 500[1]	პგე არენა აშენდა ტურნირისათვის ტევადობა: 43,615[2]	მუნიციპალური სტადიონი აშენდა ტურნირისათვის ტევადობა: 42,771[3]	მუნიციპალური სტადიონი განახლებული ტევადობა: 43,269[4]
ჯგუფი A 3 მატჩი (გახსნის მატჩის ჩათვლით), 1 მეოთხედფინალი და 1 ნახევარფინალი	ჯგუფი C 3 მატჩი და 1 მეოთხედფინალი	ჯგუფი A 3 მატჩი	ჯგუფი C 3 მატჩი
ვროცლავი კიევი ლვოვი დონეცკი ვარშავა გდანსკი ხარკივი პოზნანი
უკრაინა
კიევი	დონეცკი	ხარკივი	ლვოვი
ოლიმპიური სტადიონი განახლებული ტევადობა: 70,050[5]	დონბას არენა აშენდა ტურნირისათვის ტევადობა: 51,504[6]	მეტალისტი განახლებული ტევადობა: 38,633[7]	არენა ლვოვი აშენდა ტურნირისათვის ტევადობა: 34,915[8]
ჯგუფი D 3 მატჩი, 1 მეოთხედფინალი და ფინალი	ჯგუფი D 3 მატჩი, 1 მეოთხედფინალი და 1 ნახევარფინალი	ჯგუფი B 3 მატჩი	ჯგუფი B 3 მატჩი