'
Երկիր	Իտալիա
Տան դաշտ Մրցակցի դաշտ

«Մոդենա» (իտալ.՝ Modena F.C.), իտալական ֆուտբոլային ակումբ համանուն քաղաքից։ Ակումբը ստեղծվել է 1912 թվականին։ 2017/18 մրցաշրջանում հայտավորվել է Լեգա Պրո-ում (սերիա Կ, Իտալիայի ֆուտբոլային համակարգի երրորդ ուժեղագույն դիվիզիոնը)։ Սակայն արդեն 2017 թվականի նոյեմբերի 6-ին հայտարարվեց ակումբի լուծարման մասին՝ ֆինանսական պատճառներով։ Թիմը հանդես է գալիս «Ալբերտո Բրալյա» մարզադաշտում, որը տեղավորում է 21 հազար հանդիսական: Այնուամենայնիվ, ակումբն ամբողջությամբ չի անհետացել և շարունակել է ելույթները։

Իր պատմության մեծ մասը թիմը հանդես է եկել Սերիա Բ-ում, որտեղ անցկացրել է 50 մրցաշրջան, իսկ 28 մրցաշրջան թիմը խաղացել է Սերիա Ա-ում: «Մոդենան»  միակ թիմն է, որը երկու անգամ հաղթել է անգլո-իտալական գավաթը՝ 1981 և 1982 թվականներին:

Ակումբի գույներն են դեղինն ու կապույտը։

Ակումբը հիմնադրվել է 1912 թվականին։

1965 թվականի ապրիլի 4-ին «Մոդենան» տնային մարզադաշտում ընկերական հանդիպում անցկացրեց ԽՍՀՄ հավաքականի հետ։ Հյուրերն ավելի ուժեղ գտնվեցին (1:4): Տանտերերի կազմում միակ գնդակը 11 մետրանոցից խփել է Ջուզեպե Լոնգոնին^[1]։

2008 թվականի նոյեմբերին թիմի վատ արդյունքների պատճառով «Մոդենայի» նախագահ Ջանկառլո Ջիբելինին քահանա Գրեգորիո Կոլոզիոյին խնդրել է ակումբի հանդերձարանում էկզորցիզմի սեանս անցկացնել^[2]։

2015 թվականի ամռանը թիմի գլխավոր մարզիչ է դարձել Էռնան Կրեսպոն^[3]։ 2016 թվականի մարտին թիմի անհաջող արդյունքների պատճառով արգենտինացին հեռացվել էր զբաղեցրած պաշտոնից։ Կրեսպոնի հեռացման պահին «Մոդենան» զբաղեցնում էր 18-րդ տեղը և գտնվում էր մեկնման գոտուց մեկ կետի հեռավորության վրա^[4]։

2017 թվականի նոյեմբերին C Սերիայի չորս խաղերում չներկայանալը հանգեցրեց նրան, որ թիմի պրոֆեսիոնալ կարգավիճակը զրկվեց, իսկ «Մոդենան» հեռացվեց մրցաշարից։ Խաղերից բացակայելու պատճառը ֆինանսական անբարենպաստ վիճակն էր, որի պատճառով ակումբը չէր կարող վճարել մարզադաշտի վարձավճարը^[5]։ Թիմի սնանկացումից հետո քաղաքապետ Ջան Կառլո Մուզզարելին հայտարարել է, որ 8 ամսվա ընթացքում թիմի համար նոր սեփականատեր կգտնվի, ինչից հետո թիմը կրկին կարող է հանդես գալ Դ Սերիայում: Թիմի սեփականատերերի որոնմամբ զբաղվել է նաեւ ակումբի նախկին խաղացող Լուկա Թոնին^[6]։

Թիմը, այնուամենայնիվ, սկսեց 2018/19 մրցաշրջանը Սերիա D-ում: Թիմն իր խմբում զբաղեցրեց երկրորդ տեղը, իսկ փլեյ-օֆֆի հանդիպումներում կարողացավ ապահովել տեղը հաջորդ մրցաշրջանում Սերիա C-ում: Փլեյ-օֆֆի եզրափակիչ խաղում «Մոդենան» հաղթեց «Ռեջիանային» (4:1)^[7]։

• Ամենաշատ հանդիպումները ակումբում ՝ Ռենատո Բրագիլա, 484
• Ամենաշատ խփված գոլերը՝ Ռենատո Բրիգենտի, 82
• Ամենախոշոր տնային հաղթանակը 6-0 «Լիվորնո», Սերիա A 1929/30
• Ամենամեծ տնային պարտությունը 5-0 Նապոլի, Սերիա A 1929/30
• Ամենախոշոր արտագնա հաղթանակը՝ 0-4 Վենեցիա, Սերիա Ա 1939/40
• Ամենամեծ արտագնա պարտությունը՝ 1:9 Լացիո, Սերիա Ա 1931/32

• Պաշտոնական կայք(իտալ.)