Aèroplano a bartavèles, Arèoplano a bartavèles, Avion a bartavèles

Cél articllo est ècrit en arpetan supradialèctâl / ORB lârge.

Hèlicoptèro
Un Airbus H145 de secors arpenc de la Gouârda aèrièna suissèssa de sôvetâjo (REGA).
Apelâ étot	Aèroplano a bartavèles Arèoplano a bartavèles Avion a bartavèles
Abrèviacions	Hèlicô
Caractèristiques
Tipo	Aèronâf
changiér

Un hèlicoptèro [e.li.kɔp.ˈteː.ro]^{[N 1],[1],[2],[3]} — des côps asse-ben apelâ un aèroplano a bartavèles [a.e.rɔ.ˈpla.no a bar.ta.ˈva.lə]^{[N 2],[3]}, un arèoplano a bartavèles [a.re.ɔ.ˈpla.no a bar.ta.ˈva.lə]^{[N 3],[4],[5]} ou ben un avion a bartavèles [a.ˈvjɔ̃ a bar.ta.ˈva.lə]^[3] — est n’aèronâf que la sustentacion et la propursion sont assurâyes per na vouèlura tornenta, corament apelâye rotor, pués entrênâye per yon ou ben un mouél de motors.

La majoritât des hèlicoptèros emplèye un solèt rotor de sustentacion et pués un rotor ou ben un ôtro dispositif anticobla, les ôtres solucions sont des bi-rotors contrarotatifs betâs sus lo mém’axo, sus doux axos convèrgents, en tandème ou ben a châ couta.

L’histouère de l’hèlicoptèro comence u comencement du XX^émo siècllo mas los progrès sont franc ples lents que celos de l’aèroplano. L’usâjo entensif des hèlicoptèros pendent les guèrres d’Algèria et du Viètname et pués lo dèvelopament de les turbomachines mârcont un contôrn major por aportar la prôva de ses capacitâts opèracionèles civiles ou militères.

Comparâ a les aèronâfs a âles fixes, l’hèlicoptèro est d’una concèpcion ples complèxa, son entretin est ples ègzigent et lo prix de l’hora de vôlo est ples hiôt. Sa capacitât a dècôlar et atèrrir sus des tèrrens ètrêts et pas aprèstâs lo rend endispensâblo por quârques missions et fonccions mâlgrât son ôtonomia et sa vitèsse rèduites.

Lo tèrmo ples côrt de « hèlicô [e.li.ˈko]^[3] » est prod sovent empleyê.

• 
  Un Bristol Belvedere tipo 192 qu’emplèye des rotors de sustentacion déts « en tandème ».
• 
  Un hèlicoptèro EC145 empleyê per la Sècuritât Civila francêsa.
• 
  Un Cougar suisso.
• 
  Un hèlicoptèro d’Air Zermatt atèrri a l’aèrogâra de Geneva-Couintrin.
• 
  Un dècelior hèlicoptèro RECCO SAR prés de la Grant-Bèca.

• (fr) L’atlas des hélicoptères, Paris, 2002.

1. ↑ (fr) Domenico Stich, Dictionnaire francoprovençal-français et français-francoprovençal, Tonon, Le Carré, 2003, pp. 440 et 455.
2. ↑ (fr) Alen Fâvro, Domenico Stich, Diccionèro de fata savoyârd-francês, francês-savoyârd, Fouènant, Yoran Embanner, 2004, pp. 145 et 371.
3. ↑ ^{3,0  3,1  3,2}  et ^3,3  (fr) Rogiér Verèt, Dikchonéro Fransé - Savoyâ - Dictionnaire Français - Savoyard [PDF], 8^éma èdicion reviua et ôgmentâye, 2021, pp. 142, 349 et 1745.
4. ↑ (fr) Èmê Chenâl et Rèmond Vôterin, Nouveau dictionnaire de patois valdôtain, 2^nda èdicion reviua et ôgmentâye, Quârt, Musumeci, 1997, pp. 55 et 1867.
5. ↑ (fr) Frèderic Dubôf, Patois vaudois : Dictionnaire, èdicion reviua et complètâye, Ôron-la-Vela, Associacion vôdouèsa des amis du patouès, 2006, pp. 22 et 260.